Lily Powles var úti að skemmta sér með vinkonum sínum þegar henni grunaði að karlmaður hafi sett eitthvað í drykkinn hennar. Hún ákvað að skipta á drykkjum án þess að hann sæi. Seinna um kvöldið fann hún hann meðvitundarlausan úti í polli.
Hún greinir frá þessari óhugnanlegu reynslu á Twitter.
The same lad robbed my drink twice last night, and put something in my glass when he bought me one back. I swapped our glasses when he went to the toilet and later found him laid flat out in a wet puddle. Thanks for taking one for the team whoever you are, rather u than me hun x
— POWLZ (@l_powles) March 1, 2020
Lily segir að maðurinn hafi sífellt verið að „stela“ drykknum hennar. Hún tók síðan eftir því að hann virtist setja eitthvað í glasið hennar. Hún greip þá til sinna ráða og skipti á drykkjunum þegar hann fór á klósettið.
Seinna um kvöldið fann hún hann úti, liggjandi meðvitundarlausan í polli.
Færsla Lily á Twitter vakti mikla athygli og hafa yfir 180 þúsund manns líkað við hana. Nokkrir netverjar sökuðu Lily um að ljúga og komu aðrir henni til varnar.
„Af hverju eru allir karlmenn að segja að þetta hafi ekki gerst? Eru þeir að vernda mögulega nauðgara?“ Segir ein kona á Twitter.
„Svo margir karlmenn hérna trúa ekki að þetta gerðist því þeir eru nógu heppnir að þetta er ekki þeirra raunveruleiki,“ segir önnur.