Söngvarinn Justin Bieber var gestur í spjallþætti Ellen DeGeneres í vikunni. Hann mætti í reglulegan dagskrárlið sem ber nafnið Burning Questions. Þar svarar hann erfiðum og skemmtilegum spurningum og afhjúpaði meðal annars þann líkamshluta sem hann er stoltastur af.
„Ég er með flottan rass, góðan rass. Ég spilaði hokkí allt mitt líf, þetta kallast hokkí-rass. Ég er með flottan og lítinn hokkí-rass. Ekki horfa, eiginkona mín á hann. Treystið mér bara,“ segir Justin Bieber.
Hann sagði líka frá því hvernig lykt er af eiginkonu sinni, fyrirsætunni Hailey Bieber.
„Hún lyktar eins og ilmvatn Ariönu Grande. Hún lyktar vel, þetta er góð lykt,“ segir hann.
Síðan kom Justin með litla krúttbombu. Hann sagði að hjónin nota gælunafnið „gúgú“ fyrir hvort annað.
Að lokum greindi hann frá því hversu mörg börn hann vill eignast.
„Það er undir Hailey komið þar sem þetta er hennar líkami,“ segir hann.
Horfðu á myndbandið hér að neðan.