Mánudagur 30.mars 2020
Bleikt

Erna segir svona brandara vera ofbeldi gegn feitum

Guðrún Ósk Guðjónsdóttir
Miðvikudaginn 4. mars 2020 17:00

Erna Kristín. Aðsend mynd @Guðrún Andrea Sólveigardóttir.

Ekki missa af Helstu tíðindum dagsins í pósthólfið þitt

Lesa nánar

Erna Kristín Stefánsdóttir, aktívisti og guðfræðingur, gagnrýnir brandara um feitt fólk. Hún segir svona brandara vera ofbeldi og geta haft skelfilegar afleiðingar í för með sér.

Erna Kristín hefur verið talsmaður jákvæðrar líkamsímyndar um nokkurt skeið og flytur reglulega erindi um bætta líkams- og sjálfsmynd fólks. Hún er höfundur bókarinnar Fullkomlega ófullkomin. Erna heldur einnig úti vinsælli Instagram-síðu sem er með rúmlega 18 þúsund fylgjendur.

Í samtali við DV segist Erna langt frá því að vera fullkomin og sjálf hafa gert mistök. En það sem hún gerði var að læra af mistökunum og gera betur næst. Hún vill nýta tækifærið til að fræða fólk um skaðsemi slíkra brandara.

Brandaranum var deilt í vinsæla Facebook-hópinn Fyndna frænka – sem er með 36 þúsund meðlimi. Erna deildi skjáskoti af brandaranum á Instagram og spurði fylgjendur sína hvort þeim þætti þetta fyndið. Hér að neðan má sjá myndina.

„Fitufordómar eru ekki grín. Það er nákvæmlega ekkert fyndið að setja upp feita líkama sem gallaða vöru. Með smá fræðslu er hægt að sjá hversu hryllilega skaðlegir fordómar eru. Þetta er ofbeldi,“ skrifaði Erna á Instagram. DV hafði samband við hana og spurði hana nánar út í málið.

Mannleg og erum að læra

„Ég er alls ekki að skamma neinn sem setur fram svona djók. Sjálf hef ég gert það á einhverjum tímapunkti þegar ég vissi ekki betur. Það er bara stutt síðan að ég setti fram ógeðslega hallærislegan djók sem var rakkaður niður og ég tók hann niður. Við erum mannleg og erum sífellt að læra,“ segir Erna og bætir við að það skipti máli að fólk kunni að meðtaka gagnrýni og gera betur næst.

„Þetta snýst um að vera tilbúin að meðtaka, fræða sig og gera betur. Í stað þess að fara í vörn. Mér finnst við þurfa að hafa rými í heiminum til að gera mistök til að læra af þeim. Það er annað að fara að jarða manneskju fyrir einhvern lélegan brandara sem hún tók.“

Erna segir að það þurfi að gera greinarmun á því hvenær skamma á fólk persónulega eða yfir heildina. „Mér finnst þetta vera frábær vettvangur til að tala um heildina, en það eru um 40 þúsund konur inni í Facebook-hópnum Fyndna frænka,“ segir Erna.

Mikið um svona brandara

Hún skrifaði við umrædda færslu í Fyndna frænka og gagnrýndi svokallaðan brandarann.

„Þá spurði mig ein af hverju ég skrollaði ekki bara framhjá myndinni. Persónulega særist ég ekki við að sjá þessa mynd því ég hef alltaf verið í viðurkenndri stærð. Ég er að særast fyrir hönd þeirra sem ég veit að þetta hefur áhrif á og það er stór hópur samfélagsins sem hefur verið ýtt út á jaðarinn. Það er of erfitt að skrolla framhjá þessu vitandi hvaða skaðsemi svona brandarar hafa í för með sér. Það líka skiptir ekki máli hversu mikið ég skrolla, það eru svo margir svona brandarar í hópnum.“

Erna segir að það sé mikið um sömu brandarana um feitt fólk.

„Það er sérstaklega þetta: „Svona lít ég út í sumar ef ég fer ekki að taka mig á“ eða „ég eftir vetratörnina“ eða eitthvað svona. Það er alltaf verið að setja feita líkamann í einhverskonar myndlíkingu sem gölluð vara. Mér mistókst og þess vegna lít ég svona út. En fólk sem er feitt hefur ekki mistekist neitt.“

View this post on Instagram

KONUDAGUR ⁣ ⁣ Í dag flutti ég prédikun í Ástjarnarkirkju & ætla deila með ykkur smá brota broti 🙏🏻⁣ ⁣ Feðraveldið hefur haft yfirhöndina í gegnum aldirnar og hafa konur mætt verulegu óréttlæti, en óréttlætið má sjá í réttindum kvenna sem hafa verið verulega takmörkuð og hvernig líkami kvenna hefur verið settur upp sem gripur karlmanna til þess að njóta. ⁣ ⁣ Í dag er dagur kvenna, konudagurinn. Á konudaginn dekrum við konurnar í okkar lífi. Við heiðrum tilvist þeirra td með rósum, köku, nuddi eða jafnvel góðum kvöldverði. ⁣ ⁣ Nú er ég sjálf kona og get í raun annað hvort talið upp hvað líffræðilega það þýðir að vera kona eða hvað ég persónulega upplifi og tel það þýða að vera kona. Ég ætla að hafa þetta persónulegt. Konur hafa barist með klóm og kjafti fyrir bættum lífsgæðum, fyrir sig og komandi kynslóð kynsystra sinna. Í dag er keflið í okkar höndum, okkar allra, óháð kyni, því sagan hefur kennt okkur að upprisa kvenna dafnar ekki fyrr en jafnrétti er náð.⁣ ⁣ Fyrir mér er kona:⁣ ⁣ Báran í hafinu sem neytar að gefast upp⁣ Tindurinn á fjallinu sem haggast ekki fyrr en launajafnrétti er náð⁣ Straumurinn í fljótinu sem barðist gegn óréttlæti⁣ Norðurljós í myrkrinu sem sigraðist á ofbeldi⁣ Eldingin í skýjunum sem lét aldrei í sér þagga⁣ Þyrnirósin í fjallshlíðinni sem þráði jafnrétti⁣ Jörðin í sólkerfinu sem ól mig á brjósti ⁣ Og Eldvirknin í Heklu sem er óstöðvandi. ⁣ ⁣ Upprisu Jesú má sjá í allskonar formi í samtíma okkar í dag. Upprisan er beint fyrir framan okkur í allri sinni dýrð og hefur verið að rísa ört og örugglega þar sem konur eru að standa upp og leyfa rödd sinni að heyrast án ótta. Þar sem konur eru að endurheimta líkama sína og læra að elska sig skilyrðislaust. Þar sem konur kjósa barneiginir og frama. Þar sem konur eru ekki lengur bara gripur sem á að vera fallegur og þegja, heldur leiðtogar, forstjórar, forsetar, yfirmenn, prestar og allt þar á milli. ⁣ ⁣ Í sköpuninni erum við hinn helmingurinn. ⁣ Við erum Eva í aldingarðinum sem neytaði að vera minni en Adam. ⁣ Við erum María Magdalena sem barðist fyrir jafnrétti við hlið Jesú. ⁣ Við erum alþyngiskonan með barn á brjósti. ⁣ Við erum upprisan, við erum gosið, við erum framtíðin 🙏🏻

A post shared by 𝐸𝓇𝓃𝓊𝓁𝒶𝓃𝒹 (@ernuland) on

Hættulegir brandarar

Erna segir að svona brandarar séu mjög skaðlegir og nefnir nokkur dæmi um hvaða þeir geta haft í för með sér.

„Þessi fordómar hafa í för með sér átröskunarsjúkdóma á mjög aggresífu stigi, sjálfsmorðshugsanir og bara verðleikaleysi. Ég meina manneskjur sem eru feitar og eru að sjá þessa brandara ítrekað, auðvitað er verið að rakka þær óbeint niður,“ segir Erna.

„Svo má til þess geta að feitt fólk getur líka verið með fitufordóma og þess vegna koma kommentin: „Ég er feit og mér finnst þetta í lagi.“ En það þýðir ekki að þetta sé í lagi. Að fólk sjái ekki að þetta eru fordómar og ofbeldi er líka hættulegt.“

View this post on Instagram

Eftir að ég eignaðist Leon Bassa & tók fyrsta almennilega þroskakippinn líkamlega séð þá fannst mér mjög erfitt að elska líkama minn, enda þekkti ég ekkert annað en að hata hann hvort sem er. Hvað þá núna? Samfélagið var stöðugt að hvetja mig til þess að fara í ræktina til þess að ná “réttri” stærð aftur & ég lærði fljótt að ef barnið tekur brjóstið vel þá myndi ég sko grennast á met hraða. Raunin var sú að Leon Bassi tók brjóst vel, en flæðið var lítið sem ekkert. Ég man eftir að ruglast af og til eftir ótal mörg skilaboð frá samfélaginu..”æ er ég þá ekki að fara grennast ?” Fæ hroll að hugsa til þess að áherslan hafi farið þangað frekar en að hugsa…”æ þarf ég að hætta með hann á brjósti?” En ég ætla ekki að skamma mig fyrir að hugsa svona….ég í raun fékk ekkert val hvort sem er. Heilaþvegin & áherslurnar settar í kross. Auðvitað snéri brjóstagjöfin aðeins að næringu ungabarnsins & tengslamyndun & auðvitað snýst hreyfing eftir meðgögu um andlega og líkamlega vellíðan. Þrátt fyrir að rugast þá var næring, tenglsamyndun & allt þar á milli alltaf í forgang fyrir Leon Bassa…….en ég gleymdi mér. Ég sinnti hvorki andlegri né líkamlegri líðan. Ég í raun setti lífið á hold. Ég var besta mamma í heimi og þarfir Leons voru nr 1,2 & trilljón, en hvað mig varðar þá beið ég eftir því að verða mjó aftur til þess að byrja njóta lífsins á ný. Fyrstu skrefin mín á þessum tíma var að fara úr boxernærbuxunum hans Bassa ( yebb ) & íþróttatoppnum & finna mér nærföt í minni stærð. Ég hef unnið með @lindexiceland frá því ég opnaði miðlana mína & ákvað að setja þetta í þeirra hendur. Ég fékk mælingu fyrir nýjum brjóstarhaldara með hjálp þeirra og lærði á nýju brjóstin mín sem breyttust mjög mikið & fann að biðin var á enda. Ég þarf ekki að grennast til að byrja lifa lífinu. Èg þarf að sættast. Ég hvet ykkur allar að finna sjálfstraustið ykkar. Fara út fyrir þægindaramman & kaupa falleg nærföt & sjá hvað musterið ykkar nýtur sín vel! Dansa um á nærfötunum þangað til það hættir að vera erfitt & gefa ykkur tíma til að skoða hvern krók & kima á dásamlega líkamanum ykkar ❤️ #bodyrespect #selflove #lindexiceland #attract #lindex #bravolution

A post shared by 𝐸𝓇𝓃𝓊𝓁𝒶𝓃𝒹 (@ernuland) on

Grófir brandarar eiga að heyra sögunni til

Erna tekur dæmi um aðra grófa brandara sem er litið á sem óviðeigandi í dag.

„Það er ekki langt síðan að nauðgunarbrandarar voru taldir fyndnir. Einn daginn munum við spyrja hvort við höfum í alvöru verið að hlægja að þessu. En það er því við vitum ekki betur,“ segir Erna og segir ástæðuna fyrir því að hún hafi ákveðið að gagnrýna þetta opinberlega vera til að fræða fólk og opna umræðuna.

„Ég skil þetta svo vel því ég var sjálf týpan sem hefði líkað við brandarann fyrir mörgum árum.“

Ekki það sama að gera grín að grönnum

„Það er ekki fyndið að gera grín að holdafari annarra. Það sem við þurfum að læra muninn á að þegar er verið að hæðast að holdafari sem er ekki ákveðinn hópur á jaðrinum, þá er það ekki í lagi en það er ekki ofbeldi. Það er hægt að segja að það sé ákveðin stríðni, mögulega einelti.  Það er ekki í lagi að hæðast að þeim sem eru grannir. En fólk sem er hundrað prósent samþykkt af samfélaginu og fær hæðniskomment á sig, það er ekki að upplifa það sama og feitt fólk sem er ýtt út á jaðarinn frá samfélaginu og öllu. Þarna erum við að tala um ljót ummæli á eina höndina og ofbeldi á hina höndina,“ segir Erna.

„Það þarf alltaf einhver að segja: „Mjóir verða líka fyrir árásum.“ Og ég veit það, það er óásættanlegt, það er ekki í lagi en við þurfum ekki alltaf að benda á forréttindahóp til að draga úr vægi umræðunnar. Hvorugt er í lagi en annað er ofbeldi.“

Þú getur fylgst með Ernu á Instagram.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 1 viku

Jeffree Star segir að þrír leikmenn NBA hafi sent sér skilaboð

Jeffree Star segir að þrír leikmenn NBA hafi sent sér skilaboð
Bleikt
Fyrir 1 viku

Jared Leto var að læra um COVID-19 eftir tólf daga hugleiðsluferð

Jared Leto var að læra um COVID-19 eftir tólf daga hugleiðsluferð

Tarot Spil

Veldu þér spil og sjáðu spádóm þinn.