Sonia Magnier, frá Írlandi, er lífsstíls- og viðskiptaþjálfi. Hún á 21 árs gamla dóttur, Renee. Sonia segir að fólk heldur „alltaf“ að Renee sé systir hennar.
„Við erum alltaf spurðar hvort við séum systur. Það er fyndið að sjá svipinn á fólki þegar við útskýrum að við séum mæðgur,“ segir hún í viðtali við Fabulous Digital.
Sonia telur atvinnu sína vera ástæðuna fyrir því að hún sé svona ungleg.
„Lífsstílsþjálfun snýst um að einblína á jákvætt hugarfar. Ég vinn líka mikið með yngri konum, svo það hjálpar líka. Svo held ég mér í formi með því að fara í ræktina þrisvar í viku. Ég stunda líka daglega jóga og hugleiðslu,“ segir hún.
Hún bætir við að það hjálpi gríðarlega að hugsa vel um húðina, borða hollt og drekka nóg af vatni.
„Hvernig þú klæðir þig skiptir líka máli. Renee er mjög dugleg að gefa mér tískuráð,“ segir Sonia.
„Við eyðum miklum tíma saman. Við förum saman að versla, í hádegismat og kvöldmat og förum reglulega í frí saman.“
En hvað finnst Renee um þetta allt saman.
„Renee finnst það bráðfyndið að fólk heldur að við séum systur. Hún elskar að eiga unglega mömmu sem er gaman að hanga með,“ segir Sonia.
Sonia hefur hins vegar ekki jafn gaman af næturlífinu og dóttur sín.
„Við förum ekki oft út á lífið. Ég er eiginlega komin með nóg af því. Ég var dugleg að djamma á þrítugsaldrinum. Núna vil ég frekar eyða tímanum heima um helgar. Ég hef eytt allt of mörgum sunnudögum þunn þegar ég var yngri.“