Leikkonan Amanda Bynes er ólétt af sínu fyrsta barni.
Amanda og unnusti hennar Paul Michael deildu gleðifréttunum á samfélagsmiðlum í gær. Amanda deildi sónarmynd á Instagram og skrifaði: „Barn á leiðinni.“ Paul gerði slíkt hið sama en fljótlega var báðum færslunum eytt.
Lögfræðingur Amöndu, David A. Esquibias, lét fjarlægja færslurnar af Instagram. Hann sagði við E! News:
„Um leið og ég sá Instagram-færslurnar lét ég athuga uppruna þeirra. Mér tókst að fjarlægja þær. Ég bið fjölmiðla og almenning um að gefa Amöndu næði á þessum erfiðu tímum.“
Samkvæmt heimildarmanni E! News er Amanda ólétt en „hún er komin mjög stutt. Foreldrar hennar vita af þessu.“
Í síðustu viku var greint frá því að Amanda hefði slitið trúlofun sinni við Paul, en þá höfðu þau verið trúlofuð í þrjár vikur. Þau eru byrjuð aftur saman en samkvæmt heimildarmanni E! News er það afar ólíklegt að þau muni einhvern tíma ganga í það heilaga.
Amanda Bynes er undir forræði móður sinnar og hefur verið það síðan 2014. Leikkonan hefur glímt við fíknivanda en hefur verið edrú í 14 mánuði.