Bandaríska leikkonan Shannen Doherty, sem mörgum er að góðu kunn úr þáttunum Beverly Hills 90210, hefur greint frá því að krabbamein sem hún glímdi við sé komið aftur. Um er að ræða fjórða stigs krabbamein en árið 2017 var greint frá því að Doherty hefðu unnið baráttu sína og væri laus við meinið.
Fimm ár eru síðan Doherty greindist með brjóstakrabbamein og virtist meðferð við sjúkdómnum skila tilætluðum árangri. Krabbameinið tók sig aftur upp að nýju, en Doherty opnaði sig um þetta í tilfinningaþrungnu viðtali í Good Morning America í morgun.
Shannen sagði erfitt að kyngja því að krabbameinið væri komið aftur. „Það koma dagar þar sem ég spyr: „Af hverju ég?“ Svo hugsa ég málið og velti fyrir mér hvers ekki ég? Hver annar? Hver á skilið að fá krabbamein? Staðreyndin er sú að ekkert okkar á það skilið.“