Nærfataverslun heldur því fram að hún hafi þurft að ritskoða auglýsingu í Ástralíu, sem er leyfð í Bandaríkjunum eða Bretlandi.
Eigandi Honey Birdette verslunarinnar segir að það sé „virkilega ógnandi“ hversu miklar takmarkanir eru á auglýsingum í Ástralíu.
Eloise Monaghan, eigandi verslunarinnar, og eiginkona hennar Natalie sátu naktar fyrir verslunina. Myndatakan átti að fara í loftið í tilefniMardi Gras-hátíðar samkynhneigðra í Sydney í lok febrúar.
Í auglýsingunni, sem kallast „Fluid“, eru Eloise og Natalie og nokkrar aðrar fyrirsætur naktar og málaðar regnbogalitum. Kynfæri eru hulin en það sést í geirvörtur.
Myndin mun vera birt, eins og hún er, í Bandaríkjunum og Bretlandi. En svo að myndin sé birt í Ástralíu þarf að hylja geirvörtur kvennanna.
„Ég veit í alvöru ekki hvað er að gerast með Ástralíu. Það er virkilega ógnvekjandi,“ segir hún.
Á vef Honey Birdette kemur fram:
„Við getum sýnt ykkur þessa mynd í búðum okkar í London. Við getum sýnt ykkur þessa mynd í New York. Það er bannað okkur að sýna ykkur þessa mynd í Ástralíu. Árið er 2020, það er tími fyrir jafnrétti. Hver er munurinn á karlkyns og kvenkyns geirvörtu? Hver er munurinn á gagnkynhneigðu pari og samkynhneigðu pari?“
News.au greinir frá því að Honey Birdette hafi oft verið gagnrýnt fyrir að kynvæða konur. Einnig kemur fram að það sé kvartað yfir auglýsingunum, ekki endilega vegna myndefnisins heldur staðsetningu auglýsinganna, eins og í verslunarmiðstöð þar sem börn eru.
Hvað segja lesendur, á að leyfa þessa auglýsingu?