Presley Gerber, 20 ára sonur ofurfyrirsætunnar Cindy Crawford, réttlætir ákvörðun sína að hafa fengið sér tattú á andlitið.
Presley hefur verið harðlega gagnrýndur fyrir nýja húðflúrið. Hann opnaði sig um málið í Instagram Live á laugardaginn. People greinir frá.
„Þú veist ekki hvernig mér líður. Þú ert ekki í hausnum á mér,“ sagði hann.
Það stendur stórum stöfum „MISSKILINN“ (e. misunderstood) á hægra kinnbeini hans og þegar hann var spurður um meiningu þess sagði hann:
„Ætli mér finnist ég ekki misskilinn.“
Í sama myndbandi hvatti Presley fylgjendur sína til að tjá sig við hann í persónu, ef þeir hefðu eitthvað slæmt að segja.
„Ef einhver hefur eitthvað að segja við mig um þetta, eða eitthvað annað eins og fjölskyldu mína eða um æskuna mína, þá skal ég gefa upp heimilisfangið mitt – ég lofa – og þú getur komið og sagt það við mig í persónu,“ sagði hann.
„Ef ég hélt að þetta myndi eyðileggja andlitið mitt eða mig langaði ekki í þetta, þá hefði ég ekki fengið mér það. Ég held að það sé frekar augljóst. Það stendur „misskilinn“ því þannig hefur mér liðið allt mitt líf.“
https://www.instagram.com/p/B8SSTERgt7i/
Vinur Presley, fyrirsætan Cameron Rorrison, var viðstaddur í myndbandinu og sagði að foreldrar Presley elskuðu nýja tattúið.
