fbpx
Fimmtudagur 02.júlí 2020
Bleikt

Vinkonurnar á Tinder undir fölsku flaggi – „Kannski er hann perri. Ég verð að testa það“

Ritstjórn Bleikt
Sunnudaginn 5. janúar 2020 16:12

Ekki missa af Helstu tíðindum dagsins í pósthólfið þitt

Lesa nánar

„Kannski er hann perri. Ég verð að testa það“ sagði ein vinkona fjölmiðlakonunnar Margrétar H. Gústavsdóttur fyrir um tuttugu árum síðan þegar hún var að leita að ástinni á Einkamálum. „Hún sagði mér að hún væri búin að gera auka prófíl þar sem hún þóttist vera átján ára stelpa og byrjað að tala við einhvern mann sem hún var farin að fíla eftir nokkurra daga spjall. Það leið ekki langur tími þar til hann beit á agnið og fór að klæmast í unglingnum,“ segir Margrét en sagan hennar birtist á Pjatt.is.

„Mér hefði aldrei dottið þetta í hug en þvílíkt snjallræði! (vinkonan er vísindamaður í dag). Ef gaurinn væri til í að tala við svona unga stelpu þá var hún vinkona mín svo sannarlega ekki til í að tala við hann. Hún henti honum að sjálfssögðu í ruslið og hélt leitinni áfram.“

Margrét segir að í dag noti enginn vefsíðuna Einkamál lengur. Í staðinn notar fólk smáforritið Tinder til að leita að ástinni eða jafnvel bara kynlífi. „Fólk á mínum aldri virðist reyndar flest alveg gríðarlega ringlað og eru menn (og mjög margar konur) aðallega að reyna að finna sér eitthvað „rebound “ til að hossast með eftir hundrað ára hjónaband, eða vita bara akkúrat ekkert hvað þau eru að gera,“ segir Margrét en ítrekar þó að þetta gildi ekki um alla. „Sumir eru alveg með það á tæru hvort þau vilja kynlíf eða ást og vinna markvisst út frá þeim forsendum. Þetta er best. Svona ættu allir að gera.“

„Eins og lögga sem dulbýr sig“

Vinur hennar er einn af þeim sem er ekki bara að leita að einhverju kynlífi eftir hjónaband. Hann er í leit að góðu og heiðarlegu sambandi og er mjög skýr með það. „En vá hvað þetta gengur treglega hjá honum,“ segir Margrét og bendir á að það sé ekkert að honum. „Hann er í góðu djobbi, hreyfir sig daglega og er laus við mikla ást á áfengi. Fínn strákur bara. Því miður hefur þetta verið þannig að flestar konur sem hann byrjar að tala við eru nýskriðnar út úr samböndum og bakka þegar þær fatta að okkar maður er aðeins dýpri en svitapollur í ljósabekk. Þær eru semsagt alls ekki tilbúnar í nýtt samband en láta alveg vera að segja það í upphafi. Nota hann bara til að jafna sig. Þetta er augljóslega ekki sanngjarnt gagnvart vini mínum sem er heiðarlegur með hvað hann vill.“

Margrét segist persónulega ekki vera að leita að ástinni á þessari stundu en stundum fer hún þó á Tinder undir fölsku flaggi til að forvitnast með vinkonum sínum. „Við notum einkamálatækni vísindakonunnar og þykjumst vera skanký hó Bónusskinka sem er orðin baneitruð af allskonar litarefnum í húð og hári. Tútturnar velta nánast út úr símanum í þrívídd,“ segir hún.

„Hún er nítján ára naglafræðingur sem elskar bjór en hún er fótósjoppuð úr nokkrum andlitum og er því ekki til. Köllum hana samt Bíbí. Heiðvirðir menn (amk út á við) sem hefja spjall við Bíbí fitta þannig ekki inn í kríteríuna sem vinkonur mínar eru búnar að setja. Ekki einu sinni sem ástmenn enda er þetta aaaðeins of sveitt. Bíbí er svona eins og lögga sem dulbýr sig og fer í undirheimana til að veiða glæpamenn. Það má.“

„Svo varúð kæru karlar. Á Internetinu er ekki allt sem sýnist og þannig verður það aldrei.“ Margrét segir að þetta eigi fólk að vita. „Þið vel menntuðu miðaldra millistéttarmenn verðið bara að ákveða ykkur hvort þið ætlið að væna og dæna einstaklinga sem standa ykkur jafnfætis í lífinu, eða eltast við fólk sem er orðið greindarskert og minnislaust af ofnotnun aflitunarefna og stera í þeim tilgangi að tappa af. Það er nefnilega ekki sanngjarnt að fokka í öðrum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 3 dögum

Ótrúlegar myndir sem sýna hvað heimurinn er fáránlegur

Ótrúlegar myndir sem sýna hvað heimurinn er fáránlegur
Bleikt
Fyrir 3 dögum

Sjáið hvernig Khloe Kardashian hélt upp á 36 ára afmælið sitt

Sjáið hvernig Khloe Kardashian hélt upp á 36 ára afmælið sitt
Bleikt
Fyrir 6 dögum

Drakk tvær vodkaflöskur á dag á meðan hún hugsaði um börnin sín

Drakk tvær vodkaflöskur á dag á meðan hún hugsaði um börnin sín
Bleikt
Fyrir 6 dögum

Jenna Marbles biðst afsökunar á gömlum myndböndum og hættir á YouTube

Jenna Marbles biðst afsökunar á gömlum myndböndum og hættir á YouTube
Bleikt
Fyrir 1 viku

Miley Cyrus hefur verið edrú í sex mánuði vegna aðgerðar

Miley Cyrus hefur verið edrú í sex mánuði vegna aðgerðar
Bleikt
Fyrir 1 viku

Gró segir fólki að stunda bara óvarið kynlíf í desember

Gró segir fólki að stunda bara óvarið kynlíf í desember

Tarot Spil

Veldu þér spil og sjáðu spádóm þinn.