Söngkonan Demi Lovato skilgreinir sig sem „sexually fluid“ sem þýðir að hún laðast að báðum kynjum. Í viðtali við Andy Cohen, í útvarpsþættinum Radio Andy, segir hún frá því þegar hún opinberaði kynhneigð sína fyrir foreldrum sínum.
Demi hefur talað um að hana langar að stofna fjölskyldu og er opin fyrir því að gera það með karlmanni eða kvenmanni.
„Ég er enn að átta mig á þessu,“ sagði hún við Andy. „Ég sagði foreldrum mínum ekki frá því að ég gæti mögulega séð mig með konu fyrr en 2017,“ segir hún.
„Þetta var mjög tilfinningaríkt en líka mjög fallegt augnablik. Eftir að allt var búið þá skalf ég og grét. Þetta var bara yfirþyrmandi. Ég á svo magnaða foreldra, þau hafa sýnt mér svo mikinn stuðning.“
Demi segir að þetta hafi ekki komið föður hennar á óvart vegna lagatexta hennar við „Cool for the Summer.“ En Demi hafði mestu áhyggjurnar að koma út úr skápnum gagnvart móður sinni.
„Ég var mjög stressuð að segja mömmu. En hún sagði að hún vildi bara sjá mig hamingjusama. Og það var svo fallegt og ótrúlegt. Ég er svo þakklát,“ segir Demi.
