Rapparinn Christ Bearer, einnig þekktur sem Andre Johnsen, gekk í það heilaga með ástinni sinni, Cheryl, þann 30. desember síðastliðinn. TMZ greinir frá.
Christ komst í fréttirnar árið 2014 þegar hann skar typpið af sér og hoppaði niður af annarri hæð byggingar í norður Hollywood.
„Ég bara stökk skyndilega af stað og fór inn í eldhús, tók hníf og búmm, girti niðrum mig og síðan [skar typpið af]. Það snöggt,“ sagði hann í þætti BBC, Christ Bearer: The Rapper Who Cut His Penis Off.
Christ opnaði sig einnig um umrætt kvöld í viðtali við E! News árið 2014.
„Já ég var að nota fíkniefni þetta kvöld, en ég var með fullkomna stjórn. Ég skar typpið af því það var rót alls míns vanda. Lausnin að vandanum var að átta mig á því að kynlíf er fyrir dauðlega, og ég er Guð. Svoleiðis athafnir komu mér í vandræði, og ég kom hingað til að verða Guð,“ sagði hann.
Hann rifjaði einnig upp þegar hann vaknaði á spítalanum. „Ég hugsaði: „Vó ég er lifandi, Guði sér lof.“ Ég vildi ekki drepa mig. Þetta var bara svar mitt við djöflunum. Þeir reyndu sitt besta að ná mér, en að vera lifandi harðnaði hugsanir mínar, ég er lifandi, typpi eða ekkert typpi.“
Eins og fyrr segir gekk rapparinn og Cheryl í það heilaga í lok árs 2019 eftir sex mánaða samband. Við óskum parinu innilega til hamingju.
