Næstkomandi þriðjudag munu fara fram tónleikar á tónleikastaðnum The Virgin Money Unity Arena í Newcastle. Þetta kemur fram á vefsíðu Sky News.
Staðurinn, sem venjulega tekur 40.000 manns, mun einungis taka á móti 2500 gestum. Er það gert svo að hægt verði að fylgja reglum um samskiptafjarlægð.
Sett verða upp 500 svæði með hæfilegu bili á milli sín. Þrír einstaklingar mega vera á hverju svæði, annað hvort sitjandi eða standandi. Gestir munu fá úthlutað komutíma á tónleikana og verður þeim fylgt á sitt svæði. Skipuleggjandi segir að þetta gæti orðið eins og að vera á „VIP“ svæði. Fólk er á sínu eigin svæði með sínum vinum en ekki of langt frá öðrum.
Söngvarinn Sam Fender mun koma fram á tónleikunum sem eru í heimabæ hans.
Engir tónleikar hafa verið haldnir á Bretlandi frá 23. mars.