Aðdáendur Jennifer Lopez höfðu miklar áhyggjur eftir að stjarnan deildi mynd á Instagram. J-Lo birti tvær myndir af sér í ræktinni. Á einni myndinni tóku fylgjendur hennar eftir „ógnvekjandi karlmanni“ á bak við hana.
Það lítur út fyrir að karlmaðurinn sé að kíkja inn um gluggann heima hjá henni. Hann virðist vera sköllóttur og sé með andlitsgrímu.
Aðdáendur hennar skrifuðu við myndina og endaði Jennifer með að þurfa að útskýra málið í viðtali við Jimmy Fallon.
Maðurinn sem um ræðir var á tölvuskjá á bak við hana vegna fjarfundar í samskiptaforritinu Zoom. Jennifer er með líkamsrækt heima hjá sér, sem er við hliðin á heimaskrifstofu hennar og unnusta hennar Alex Rodriquez.
„Þetta var einhver fasteignasali sem Alex [unnusti hennar] var að tala við á Zoom, ég veit það ekki,“ segir Jennifer Lopez við Jimmy Fallon.
Horfðu á viðtalið hér að neðan.