Það vissi enginn raunverulegan aldur YouTube-stjörnunnar Danielle Cohn fyrr en faðir hennar steig fram og sagði að hún væri aðeins þrettán ára. Fyrir það höfðu hún og móðir hennar haldið því fram að hún væri fimmtán ára.
Danielle Cohn er samfélagsmiðlastjarna með 1,7 milljón fylgjendur á YouTube og 4,8 milljón fylgjendur á Instagram. Danielle hefur lengi verið umdeild vegna ungs aldurs síns og efnisins sem hún deilir á samfélagsmiðlum, sem mörgum þykir óviðeigandi. Gagnrýnin náði ákveðnum hápunkti þegar raunverulegur aldur hennar kom í ljós.
https://www.instagram.com/p/B6Cn8dgFe-U/
Dustin, faðir Danielle, steig fram í færslu á Facebook í september síðastliðnum og sagði að Danielle væri aðeins þrettán ára, ekki fimmtán ára eins og Danielle og móðir hennar vildu meina. Dustin sagði að móðir Danielle, Jennifer, væri að hvetja hana til að deila djörfum myndum af sér og að vera í sambandi með eldri strákum.
Fyrrverandi kærasti Danielle, Mikey Tua, var sautján ára þegar þau voru saman. Þau voru saman í ár en hættu saman eftir að foreldrar Mikey komust að raunverulegum aldri Danielle. Þau tóku yfir samfélagsmiðla hans í kjölfarið og skrifuðu eftirfarandi tilkynningu á Instagram:
„Við getum ekki lengur samþykkt samband Mikey og Danielle eftir að hafa fengið viðkvæmar upplýsingar um Danielle. Mikey er ennþá undir lögaldri og þess vegna höfum við tekið yfir samfélagsmiðlana hans.“
Faðir Mikey sagði að sonur hans vildi að foreldrar hans yrðu sviptir forræði yfir honum.
„Ég skil það en ef það gerist getur hann lent í fangelsi. Danielle er ekki fimmtán ára,“ sagði hann.
Móðir Mikey sagðist hafa fengið afrit af fæðingarvottorði Danielle. Hún fann einnig gamla grein um Danielle frá árinu 2012. Í greininni kom fram að Danielle væri sex ára og með einföldum reikningi er hægt að finna út raunverulegan aldur hennar. Einnig hafa myndir af Jennifer á fæðingardeildinni farið í dreifingu um internetið. Á myndunum má sjá að þær eru síðan 2006.
https://www.instagram.com/p/B_s2af_jDe7/
Dustin, faðir Danielle, gagnrýndi einnig fyrirtækin sem hafa verið í samstarfi með Danielle.
„Instagram, YouTube, Fashion Nova, Buzzfeed, Universal, Target, Bang Energy Drinks og Kaliforníu-ríki eru greinilega samþykk misnotkun barna í gróðaskyni,“ sagði hann.
„Þeim finnst ekkert mál að nota dóttur mína fyrir smelli. Barn sem er nýorðið þrettán ára.“
Dustin sagði að hann vilji að dóttir sín sé hamingjusöm en „ekkert þrettán ára barn ætti að dansa um á nærfötunum“ í myndböndum.
Danielle svaraði föður sínum á Instagram og sagðist vera hamingjusöm, að hann væri ekki hluti af lífi hennar og að móðir hennar sé „betra foreldri en hann gæti nokkurn tíma orðið.“
https://www.instagram.com/p/B6OxLl3B3_H/
Jennifer Archambault, móðir Danielle, hefur verið harðlega gagnrýnd og sökuð um að vera stýra ferli dóttur sinnar bak við tjöldin.
Gagnrýnin snýr að stórum hluta að myndunum sem hún tekur af Danielle. Á myndunum er Danielle gjarnan fáklædd og í „óviðeigandi stellingum“ fyrir tólf og þrettán ára barn.
Jennifer hefur einnig verið harðlega gagnrýnd fyrir að leyfa og beinlínis hvetja Danielle að eiga í sambandi við eldri stráka. Þegar hún var ellefu ára var hún í sambandi með sextán ára strák, Sebastian Topete.
YouTube-síðan Anna Oop gerði á dögunum myndband um Danielle Cohn og sorglegan raunveruleika á bakvið frægð hennar. Þar er sérstaklega fjallað um Jen og hvaða áhrif hún hefur á dóttur sína.
Horfðu á myndbandið hér að neðan.
https://www.youtube.com/watch?v=S0CXjooVoFs
