Jeffree Star er bandarísk samfélagsmiðlastjarna, snyrtivörumógull og milljónamæringur. Hann er afar vinsæll á YouTube, með yfir 17 milljón fylgjendur, og á fyrirtækið Jeffree Stars Cosmetics.
Mason Disick er tíu ára sonur raunveruleikastjarnanna Kourtney Kardashian og Scott Disick.
Fyrir stuttu gagnrýndi Mason Jeffree Star í beinni útsendingu á Instagram. Síðan þá hefur Kourtney eytt Instagram-síðu hans. Hún sagði ástæðuna fyrir því vera að Mason er aðeins tíu ára og samkvæmt reglum Instagram þurfa börn að vera orðin þrettán ára til að mega nota miðillinn.
„Jeffree Star er ógeðslega dekraður,“ sagði Mason um snyrtivörumógulinn.
Jeffree lendir reglulega í alls konar drama á netinu og ákvað að svara fyrir sig á Twitter.
„Fyrir sex árum var ég aðeins með 70 þúsund krónur inn á bankareikningnum. Kannski er hann að ruglast á sínum forréttindum og mínum, þar sem ég komst af eigin rammleik þangað sem ég er í dag. Vonandi getur faðir hans útskýrt þetta fyrir honum bráðlega.“
Kourtney Kardashian’s son Mason Disick reportedly “threw some shade” towards @JeffreeStar and called him “spoiled”. Star’s response is below. pic.twitter.com/DywUKKVOl2
— ᴋᴏᴅᴇᴇ ᴛʏʟᴇʀ (@kodeetyler) April 1, 2020
Netverjar hafa velt fyrir sér hvort Jeffree sé að vísa í forsíðuviðtal Kylie Jenner hjá Forbes. Þar var hún kölluð yngsti „sjálfgerði“ (e. self-made) milljarðamæringur allra tíma. Kylie Jenner er yngri systir Kourtney Kardashian.
Forsíðan var harðlega gagnrýnd og tjáði Jeffree sig um málið á sínum tíma.
I declined the feature so they had to pick someone… https://t.co/j7eK4LXoBd
— Jeffree Star (@JeffreeStar) March 6, 2019