Fyrir nokkrum árum var nýjasta æðið að aflita endaþarmsopið. Stjörnur eins og Kourtney Kardashian, Charlotte Crosby og Sophie Kasaei hafa sagt opinberlega frá því að þær aflita endaþarmsop sitt.
Meðferðin gengur út á að aflita eða lýsa svæðið í kringum endaþarmsopið.
Samkvæmt The Sun hefur fjöldi kvenna sem sækjast eftir aflitun á þessum stað aukist um 23 prósent undanfarin ár því þær finna fyrir pressu að „líta út eins og klámstjörnur“ í svefnherberginu.
En er það vont? Og er það þess virði? The Sun fékk tveggja barna móðurina og fitness-þjálfarann Tracey Kiss til að svara þeim spurningum.
Tracey, 30 ára, segir að meðferðin hafi aukið sjálfstraust hennar í svefnherberginu.
„Til að vera alveg hreinskilin þá hafði ég lítið sem ekkert pælt í þessu svæði á líkama mínum. Kannski því maður talar ekki mikið um það og fólki finnst þetta allt frekar vandræðalegt,“ segir Tracey.
Tracey fer reglulega í vax og lætur fjarlægja öll skapahár. Hún hefur einnig farið í fegrunaraðgerð á píkunni (e. designer vagina surgery). Svo fyrir hana að aflita endaþarmsopið var ekki svo út í hött.
„Það kom mér á óvart hversu einfalt og fljótlegt þetta var,“ segir hún. Meðferðin er framkvæmd með laser og lýsir upp húðina.
„Mér var frekar „heitt“ á rassinum eftir þetta, og fékk svo krem til að bera á hann. Ég mátti ekki stunda kynlíf í viku,“ segir Tracey.
„Ég gat ekki beðið eftir að sjá hvernig þetta kom út, og er mjög ánægð með niðurstöðuna […] Ég myndi segja að liturinn hafi verið latte brúnn og sé núna á litinn eins og jarðaberjasjeik.“
Tracey og kærasti hennar stunduðu kynlíf þegar vikan var liðin.
„Mér leið eins og ég væri orðin hrein mey aftur. Ég er ævintýragjarnari og öruggari. Það þýðir ekki endilega að þú viljir stunda endaþarmsmök, eða sért með endaþarm á heilanum, þó svo þú aflitir endaþarmsopið.“