Breska söngkonan Amiee Anne Duffy, betur þekkt undir nafninu Duffy, hefur opnað sig um skelfilega lífsreynslu sem hún varð fyrir.
Duffy, sem skaust upp á stjörnuhimininn með plötunni Rockferry árið 2008, hefur haldið sig nokkuð fjarri sviðsljósinu á undanförnum árum. Tvö af hennar þekktari lögum eru lögin Mercy og Stepping Stone sem lesendur ættu eflaust að þekkja.
Duffy opnaði sig um þetta í færslu á Instagram-reikningi sínum en upplýsingar um árásarmanninn eða hvenær umrætt atvik átti sér stað koma ekki fram. Hún lætur að því liggja að umrætt atvik hafi markað djúp spor í hennar sálarlíf og hún hafi þurft mikinn tíma til að jafna sig. Af þeim ástæðum hafi hún haldið sig fjarri sviðsljósinu.
Duffy segist vera á betri stað núna en áður og hún hafi náð að jana sig vel. Hún segist hafa talað um reynslu sína við blaðamann í fyrrasumar en nafni hennar var haldið leyndu. Hún segist ætla að opna sig um reynslu sína undir nafni og segja alla söguna í viðtali á næstu vikum.