Söngkonan Demi Lovato sneri formlega aftur í sviðsljósið á Grammy-verðlaunahátíðinni sem haldin var í nótt vestan hafs. Söngkonan gat vart haldið aftur tárunum er hún flutti lagið Anyone á hátíðinni, en hún þurfti að biðja píanóleikarann að byrja lagið aftur þegar hún gat ekki haldið áfram. Í seinni tilraun Demi til að flytja lagið steinlá það hins vegar. Stjörnurnar vestan hafs stóðu upp og klöppuðu fyrir Demi og var varla þurrt auga í salnum.
https://www.youtube.com/watch?v=Glo6mbDWLd4
Þetta er í fyrsta sinn sem Demi treður upp opinberlega síðan hún var flutt á sjúkrahús í júlí árið 2018 eftir ofskömmtun á oxycódón og fentanýl. Hún var endurlífguð á sjúkrahúsinu og fór í meðferð þegar hún var útskrifuð.
Demi kaus að flytja lagið Anyone á Grammy-verðlaunahátíðinni og ekki að ástæðulausu, en hún hefur sjálf sagt að lagið endurspegli þankagang hennar dagana fyrir ofskömmtunina.
„Þetta lag var skrifað og tekið upp mjög stuttu áður en…allt gerðist. Þannig að ég tók upp sönginn fjórum dögum áður en þetta gerðist,“ sagði hún í viðtali við Beats 1 um lagið og vísaði í að lagið hefði verið tekið upp stuttu áður en hún lenti á sjúkrahúsi vegna ofskömmtunar. Demi lítur á lagið sem kall á hjálp.
„Textarnir hafa allt aðra merkingu núna,“ sagði hún í sama viðtali. „Ég hlusta á það og túlka textann sem ákall á hjálp. Og ég hlusta á lagið og hugsa: Af hverju hlustaði enginn á þetta lag og hugsaði, Hjálpum þessari stelpu. Og ég held að ég hafi tekið lagið upp í því hugarástandi að mér fannst ekkert vera að en það var klárlega eitthvað að. Þegar ég hlusta á lagið hugsa ég: Vá, ég vildi að ég gæti farið aftur í tímann og hjálpað þessari útgáfu af sjálfri mér.“
Raunveruleg merking textans varð ekki skýr fyrir Demi fyrr en eftir að hún tók of stóran skammt.
„Ég held að ég hafi verið í afneitun en partur af mér vissi klárlega um hvað ég var að syngja. Ég var að syngja þetta lag og ég fattaði ekki einu sinni að textinn var svona þungur og tilfinningaþrunginn.“
Demi var búin að vera edrú í sex ár áður en hún féll með þeim afleiðingum að hún lét nærri lífið. Demi hefur ávallt verið opin um baráttu sína við fíkn, en hún prófaði kókaín í fyrsta sinn þegar hún var sautján ára og „elskaði það.“ Þá hefur hún einnig glímt við átröskun, sjálfsskaða og er greind með geðhvarfasýki.
Það má með sanni segja að frammistaða Demi á Grammy-verðlaunahátíðinni hafi vakið mikla lukku og hafa viðbrögðin á Twitter ekki látið á sér standa.
Söngkonan Pink tísti til að mynda að Demi hefði gefið heiminum gjöf með frammistöðu sinni:
Oh Demi Lovato, you just tore me down. I’m so glad you’re here to sing those words, to sing like that. You just gave the whole world a gift straight from the heart. Thank you.
— P!nk (@Pink) January 27, 2020
Söngkonan Jo Jo var einnig hrifin:
Absolutely. Incredible. @ddlovato
— JoJo. (@iamjojo) January 27, 2020
Raunveruleikastjarnan Kim Zolciak var meðal þeirra sem hrósuðu Demi:
Wow! Demi we needed you tonight ❤️
— Kim ZolciakBiermann (@Kimzolciak) January 27, 2020
Vinkona Demi, söngkonan Selena Gomez, sendi vinkonu sinni hvatningarorð í sögu sinni á Instagram:
Demi sjálf þakkaði fyrir stuðninginn með færslu á Instagram:
https://www.instagram.com/p/B7zxHq_BVPV/
