Instagram-stjarnan Tammy Hembrow er með 9,8 milljón fylgjendur á miðlinum.

Fitness fyrirsætan hefur verið sögð vera svar Ástralíu við Kim Kardashian.

https://www.instagram.com/p/B19tFC3n-Qz/

https://www.instagram.com/p/B1w7lIHnPa-/

En Tammy, 25 ára, hefur ekki alltaf verið sjálfsörugg. Nýlega opnaði sig hún um erfiðleika sína á Instagram og deildi fyrir og eftir mynd af rassinum sínum.

„Hver sem þekkir mig vel veit hvað ég hef verið upp og niður með þyngd mína allt mitt líf,“ skrifaði hún í færslu á @TammyHembrowFitness Instagram-síðunni sinni.

https://www.instagram.com/p/B1mxLkHA4pB/

„Munurinn fyrir mig, er að því meira sem ég lærði um næringu og byrjaði að lyfta þyngra, þá byrjaði líkami minn og líf mitt að breytast til hins betra, hvort sem ég er eins þung og ég hef verið, eða eins létt og ég hef verið, þá er ég alltaf að vinna að nýju markmiði. Það er ekki auðvelt, en það er svo þess virði,“ segir hún.

Tammy hefur varið rassinn sinn eftir að hún var sökuð um að hafa gengist undir fegrunaraðgerð.

„Það er óþolandi því ég vil ekki að fólk haldi að þeir geti ekki áunnið sér rass með mikilli vinnu,“ sagði hún við Cosmopolitan.

„Þetta býr til það hugafar að það er ekki hægt að stækka á sér rassinn með æfingum og fegrunaraðgerðir séu eini möguleikinn, sem er rangt.“

Tammy segir mataræði einnig skipta sköpum.

„Fyrir mig er magurt kjöt málið, eins og kjúklingabringur, kalkúnn og fiskur,“ sagði hún.

„En mér fannst ekki nóg að fá bara prótein úr fæðunni sem ég var að borða til að byggja upp rassinn minn þannig ég fékk mér prótein-bætiefni eins og prótein-duft. Ég þurfti að borða helling til að byggja upp þetta svæði. Ég borðaði líka mikið af flóknum kolvetnum eins og brúnum hrísgrjónum, höfrum, kartöflum og hollri fitu. Ég borða á tveggja til þriggja klukkustunda fresti.“