Útvarps- og íþróttakonan Kristín Sif Björgvinsdóttir þyngdist um 10 kg á nokkrum mánuðum og skildi ekkert af hverju. Hún var að borða alveg eins og hún var vön og fylgdist vandlega með mataræði sínu. Kristín Sif æfir hnefaleika og CrossFit og er í hörkuformi. Hún stóð á krossgötum og leitaði til sérfræðinga til að komast að því af hverju hún var að þyngjast. Hún greinir frá þessu á Instagram.
„Komin aftur á rétta leið! Eftir marga mánuði þar sem ég skildi ekki af hverju ég var að þyngjast, þá komst ég að ástæðunni. Ég hugsa alltaf vel um það áður en ég innbyrði eitthvað. Ég var að fylgjast vandlega með mataræði mínu og þyngd minni út af því að ég er að boxa, en allt í einu, án þess að breyta neinu í mataræðinu. Ég borðaði hreinan og góðan mat, þá þyngdist ég um 10 kg á nokkrum mánuðum.
Ég gat ekki fundið út hver ástæðan væri. Ég fór í blóðprufu, talaði við sérfræðinga og áttaði mig svo á því að þetta væri getnaðarvörnin sem var að orsaka þetta… Hormónar!“
Skrifar Kristín og heldur áfram.
„Ég lét fjarlægja getnaðarvörnina og hef nú þegar misst 5 kg á einum mánuði án þess að breyta magninu sem ég borðaði eða orkuhlutföllunum. Klikkað er það ekki!?“
https://www.instagram.com/p/B2_iGM7ANeD/
