Varvara segist fá hroll þegar hún er án símans síns en ásamt því verður hún afar stressuð. Hún verður einnig taugaveikluð þegar hún getur ekki séð nýjustu stöðuuppfærslurnar á samfélagsmiðlum.
Varvara er 18 ára gömul en hún sagði að þjálfarinn sinn, Tatyana Danchenko hefur bannað henni að fara á internetið þar sem það hafði slæm áhrif á æfingarnar hennar. Þjálfarinn hefur einnig grátbeðið hana um að vera hæverskari þegar kemur að því að deila myndum.
https://www.instagram.com/p/B1EqKLJo6QZ/
Hún er með um 33 þúsund fylgjendur á Instagram aðgangnum sínum. Þar má sjá myndir af henni við æfingar og fyrirsætustörf en ásamt því eru hundruðir af sjálfsmyndum á aðgangnum hennar.
„Ég get samviskusamlega viðurkennt það að ég er Instagram fíkill. Ef ég er ekki með símann í hendinni til að skoða samskiptamiðla þá titra ég.“
https://www.instagram.com/p/B0n36yPIFoC/
Tatyana viðurkennir að fíkn hennar á Instagram er skaðleg.
„Þjálfarinn minn sagði mér að ég yrði að taka mér pásu frá Instagram, því þetta er afar skaðleg fíkn sem tekur alltof mikla orku. Mér var bannað að deila myndum en síðan ákváðum við að ég fengi umbun ef mér gengur vel í sundinu. Ef ég stend mig vel þá fæ ég að deila mynd á Instagram.“
https://www.instagram.com/p/B0v8yjVo4eS/
Þar sem samfélagsmiðlar er tiltölulega nýir af nálinni þá eiga sálfræðingar frekar erfitt með að greina ástandið. Það hafa komið rök fyrir því að samfélagsmiðlar leiði til skapsveiflna og samfélagslegrar útilokunar. Rannsakendur hafa jafnvel komið með þau rök að ofnotkun samfélagsmiðla sé jafn slæm og reykingar eða alkahólismi þar sem notkunin virkjar dópamín á svipaðan hátt og vímuefni gera.
