Ayleigh McGhee, frá Glasgow, fór út að skemmta sér með vinum sínum. Hún eyddi öllu kvöldinu í að kvarta yfir því hvað henni væri illt í fótunum og hún gæti ekki gengið í hælaskónum sínum.
Það var ekki fyrr en daginn eftir að hún áttaði sig á því að hún hafði gert sprenghlægileg mistök og farið í skóna vitlaust. Hún setti hægri skó á vinstri fót og öfugt, eða krummafót eins og börnin myndu segja.
Vinkona hennar, Georgia Henry, greindi frá þessu á Twitter og deildi mynd af vinkonu sinni í öfugum skónum,
„Ayleigh var að kvarta allt kvöldið undan því að hún gæti ekki gengið í skónum sínum og hún var bara að fatta í morgun að hún var í þeim á vitlausum fæti, þessi gella maður,“ skrifaði hún á Twitter.
Ayleigh was actual moanin the full night sayin she couldn’t walk in her shoes n only just realised this morning she was wearing them on the wrong feet???this lassie man pic.twitter.com/ZWwunPCYLZ
— G (@GeorgiaH15_) September 14, 2019
Tístið hefur fengið mikla athygli og hafa rúmlega 33 þúsund manns líkað við það.
Hvað segja lesendur, hafið þið gert svipuð mistök?