Háskólaneminn Alexa Terrazas féll um 24 metra niður af svölunum heima hjá sér. Hún var að stunda jóga og notaði handriðið til að gera hættulegar jógastöður.
Hún mun þurfa að fara í nokkrar aðgerðir til að endurbyggja ökkla sína og hné, og það getur verið að hún muni ekki ganga aftur fyrr en eftir þrjú ár.
Slysið átti sér stað síðasta laugardag í norðaustur Mexíkó. Alexa var að gera áhættusamar jógastöður og missti jafnvægi sitt.
Hún var vön að gera jóga á svölunum heima hjá sér og notaði handriðið til að gera alls konar jógastöður. Nágrannar hennar sáu hana oft, meðal annars þegar hún var að gera stöðuna sem má sjá á myndinni hér að ofan. EL Imparcial greinir frá.
Alexa lenti á gangstéttinni fyrir neðan svalirnar og brotnaði á mörgum stöðum, meðal annars handleggjunum, fótleggjunum, mjöðminni og höfðinu. Hún fór í ellefu klukkustunda aðgerð og er í lífshættulegu ástandi.
Vinkona Alexu segir frá því á Twitter að hún muni þurfa að fara í fleiri aðgerðir og það þurfi að endurbyggja ökkla hennar og hné svo hún geti vonandi gengið aftur.
