Tom Brady, leikmaður NFL deildarinnar og eiginmaður ofurfyrirsætunnar Gisele Bundchen er harðlega gagnrýndur fyrir myndbrot sem hann birti af sér stökkva fram af klettasyllu ásamt sex ára dóttur þeirra hjóna en ljóst er að barnið er skelkað við stökkið. Undir myndskeiðinu sem Brady birti bæði á Facebook síðu sinni sem og Instagram reikningi sínum skrifar hann: “Ef Vivi verður Olympíu meistari einn daginn verður það ekki í sund dýfingum. Pabbanum finnst hún samt flottust.”
Myndbandið féll misvel í aðdáendur kappans þar sem mörgum finnst aðferð hans full glannaleg meðan aðrir láta sér fátt um finnast og telja hann einfaldlega hafa stappað stálinu í dótturina.
