Marissa frá Ástralíu er einhleyp og notar stefnumótaforritið Tinder. Þar paraðist (e. match) við Chris og byrjuðu þau að spjalla.

Fljótlega fóru hans rétta eðli að koma í ljós, en hann kallaði Marissu svín, því honum líkaði ekki vel við svar hennar við spurningu hans.

Chris ákvað að brjóta ísinn með því að stinga upp á að þau myndu fara í leikinn „20 spurningar.“ Marissa var til og Chris spurði hana hvað gerði hana „hamingjusamasta, reiðasta og kynþokkafyllsta.“

Marissa svaraði honum: „Hundurinn minn, karlmenn, vín.“

Hún spurði síðan hann sömu spurningar.

Chris var ekki parsáttur við svar Marissu.

„Já nei. Þetta er einmitt af hverju ég spurði hvort þú værir til í að spjalla.“

Marissa skilur hvorki upp né niður og Chris heldur áfram. „Ekki svara bara með einu orði og þú eyðir meiri tíma að skrifa hahaha. Það er beisik og dónalegt.“

„Þú ert í alvöru klikkaður lmao,“ segir Marissa.

Chris missir sig og segir: „Þú ert algjört svín. Þú ert reyndar í alvöru með trýni.“

Marissa ákvað að deila samskiptum þeirra á Twitter og hafa vakið mikla athygli.

Ein manneskja skrifaði við færsluna: „Hvað, fékkstu ekki skilaboðin? Þú átt að svara hverri spurningum með fimm málsgreinum og einu túlkandi dansatriði.“

Annar netverji skrifaði: „Var hann að búast við skáldsögu? Jesús.“

Marissa tjáði sig um málið við Daily Mail. „Það er aldrei gaman þegar einhver segir ljóta hluti um þig, sérstaklega sem einhver sem er talin vera í yfirstærð,“ segir hún.

„Ég er að reyna að einbeita mér að því að vera öruggari með líkama minn og hvernig ég lít út. Sem er ekki gert auðvelt með því að fá svona komment.“