Fyrirsætan Sofia Richie er dóttir stórsöngvarans fræga Lionel Richie. Sofia er 21 árs og er í sambandi með Scott Disick, 36 ára.
Margir kannast við Scott úr þáttunum Keeping Up With The Kardashians. Hann er fyrrverandi eiginmaður Kourtney Kardashian og eiga þau saman þrjú börn. Scott og Sofia hafa verið saman í tvö ár.
En hvað þykir pabbanum Lionel um þetta allt saman, sambandið og aldurbilið á milli þeirra?
Samkvæmt E! News hefur hann loksins „samþykkt“ sambandið. Til að byrja með hafði hann sínar efasemdir vegna aldurs þeirra. Sofia var 19 ára þegar þau byrjuðu saman og Scott 34 ára.
https://www.instagram.com/p/B1m8Qpnprxi/
Sofia og Scott eyddu meira að segja þakkagjörðarhátíðinni með söngvaranum.
„Lionel hefur tekið sambandið í sátt en hann er samt ekki alveg 100 prósent sáttur vegna aldursmismunarins og hversu ung Sofia er. Lionel sér hversu hamingjusöm hún er þannig hann er að reyna meira með Scott,“ segir heimildarmaður E! News.
„Hann er mjög hreinskilinn og honum finnst samband sitt og Sofiu mikilvægara en allt annað þannig hann er að reyna að vera stuðningsríkur.“
Nokkrum mánuðum eftir að Sofia og Scott byrjuðu saman árið 2017 tjáði Lionel sig um samband þeirra í viðtali við Daily Telegraph.
„Hún er 19 ára. Þegar þú ert 19 ára þá heldurðu að þú vitir allt. Er þetta að eilífu? Ég veit ekki. En eins og er þá er þetta bara tímabil og ég ætla að standa grafkyrr í horninu, fá mér góðan drykk og ekki vera með of mikil læti,“ sagði hann.