fbpx
Fimmtudagur 02.júlí 2020
Bleikt

Hollywood-stjörnur sem eyddu áramótum á Íslandi

Auður Ösp
Laugardaginn 28. desember 2019 16:00

Meghan Markle

Ekki missa af Helstu tíðindum dagsins í pósthólfið þitt

Lesa nánar

Ísland hefur fest sig rækilega í sessi sem áfangastaður um áramótin, enda hafa ófáar Hollywood-stjörnur fagnað nýja árinu hér á landi.

Hollywood-leikstjórinn Quentin Tarantino heillaðist af áramótunum á Íslandi árið 2006 og kallaði þau „stærstu flugeldasýningu í heimi.“ Hann eyddi næstu áramótum einnig hér á landi. „Ég get næst­um ekki ímyndað mér ára­mót­in ann­ars staðar héðan af. Því Íslend­ing­ar drekka eins og brjálæðing­ar öllu jafna en á gaml­árs­kvöld missa þeir gjör­sam­lega vitið – sér­stak­lega kon­urn­ar og þær drekka ákaft,“ sagði Tarantino í spjallþætti Davids Letterman á sínum tíma.

Þá var rokkarinn Sting staddur  á Íslandi þegar árið 2013 gekk í garð, ásamt eiginkonu sinni Trudie Styler, börnunum þeirra fjórum og tveimur börnum Sting úr fyrra hjónabandi. Fjölskyldan dvaldi í Stóru Mörk undir Eyjafjöllum og fengu þjón og kokk til að reiða fram hátíðarmatinn.

Meghan Markle, hertogaynjan af Sussex og fyrrverandi leikkona, var stödd á Íslandi ásamt vinum sínum þegar árið 2016 gekk í garð. Þetta voru seinustu áramótin hennar sem einhleyp kona en aðeins nokkrum mánuðum síðar hófst ástarsamband hennar og Harrys Bretaprins.

Skoski stórleikarinn Gerard Butler dvaldi á Íslandi um síðustu áramót og sást meðal annars til hans í karókípartíi á Tapasbarnum þar sem hann lék á als oddi. Annar þekktur leikari, hinn bandaríski Danny McBride, var einnig staddur hér á landi um síðustu áramót en á sama tíma hélt hann upp á 42 ára afmæli sitt, þann 29. desember. Leikarinn birti meðal annars áramótakveðju á Instagram þar sem hann var staddur í Bláa lóninu en hann mun hafa dvalið ásamt fjölskyldu sinni í glæsivillu í Grímsnesi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Smith fjölskyldan lætur YouTube-stjörnu heyra það: „ÞÚ ERT ÓGEÐSLEGUR SHANE DAWSON“

Smith fjölskyldan lætur YouTube-stjörnu heyra það: „ÞÚ ERT ÓGEÐSLEGUR SHANE DAWSON“
Bleikt
Fyrir 2 dögum

Blaðamaður og áhrifavaldur: „Hinn almenni borgari skal aldrei miða sig við ókunnugan á netinu“

Blaðamaður og áhrifavaldur: „Hinn almenni borgari skal aldrei miða sig við ókunnugan á netinu“

Tarot Spil

Veldu þér spil og sjáðu spádóm þinn.