Tónlistarkonan unga Billie Eilish, sem hefur notið gríðarlegra vinsælda á árinu, er orðin 18 ára. Nettröll höfðu mörg hver talið niður daganna í von um að Billie færi að klæðast minni eða meira aðþrengdum fatnaði.

Billie hefur ávallt komið fram í útvíðum fötum sem fela vaxtarlag hennar þar sem hún hefur ekki viljað athyglina á vaxtarlag hennar.

Eftir að mynd náðist af henni í þröngum ermalausum bol sagði hún í samtali við tímaritið Elle

„Ástæða þess að ég klæði mig eins og ég geri er ekki til að segja : Hey við skulum kalla allar stelpur druslur sem ekki klæða sig eins og Billie Eilish. Þannig málflutningur gerir mig reiða. Ég þarf að vera í stórum bolum svo öðrum líði ekki óþægilega vegna brjóstanna minna.“

Um bolin sem mynd af henni náðist í sagði hún: „Ég leit vel út í honum. Ég fæddist með fokkin brjóst, félagi. Ég fæddist með erfðaefnið fyrir risa brjóst. Einhver með minni brjóst gæti verið í hlýrabol en ef ég færi í sama hlýrabol þá yrði ég fyrir drusluskömm því ég er brjóstgóð. Þetta er svo heimskulegt, þetta er sami bolurinn.

Í viðtali í september sagði Billie að eftir 18 ára afmælisdaginn sæi hún fyrir sér að klæða sig í fatnað sem sýni betur vöxt hennar.

Einhverjir hafa gerst of ágengir í spennunni við að sjá þessa ungu konu, sem fyrir nokkru var enn barn að aldri, afklæðast. Þessum sömu aðilum sendi Billie nýlega tóninn samkvæmt frétt Metro

Í texta við myndina hér að neðan, sem nú hefur verið breytt, stóð upprunalega:

„Reið því ég varð átján og fór ekki strax úr öllum fötunum? Búhú“

https://www.instagram.com/p/B6bo3R7lYwY/