Maður er í tómum vandræðum vegna hegðunar sinnar á starfsmannasamkomum. Hann sendir kynlífs- og sambandsráðgjafa The Sun bréf og óskar eftir aðstoð.
„Af hverju held ég áfram að kyssa aðra karlmenn sem vinna með mér? Ég hef unnið á sömu stofu í þrjú ár og elska það. Mér semur vel við samstarfsfélaga mína en ég held að þeir séu komnir með nóg af skrípalætunum í mér,“ segir maðurinn.
„Ég er 21 árs og samstarfsfélagar mínir, sem eru flestir karlmenn, eru allir undir þrítugu. Við förum oft á barinn saman. Ég hef kysst sex samstarfsmenn, þó svo að tveir þeirra eigi kærustu. Þetta gerðist aftur í síðustu viku í starfsmannapartíi og yfirmaður minn sagði mér að fara heim og láta renna af mér. Þetta gerist bara þegar ég er að drekka.“
Deidre er með frekar einfalda lausn á málinu.
„Ekki drekka í kringum samstarfsfólk þitt! Ég veit þú ert í fríi þegar þetta gerist en þetta hefur áhrif á hvernig þér er tekið í vinnunni – ekki vegna kynhneigðar þinnar en því þú ert stjórnlaus undir áhrifum áfengis,“ segir hún.