Ástin er eins og sinueldur og oft verður mikið bál af litlum neista. Ástin spyr ekki um stað og stöðu – ekki heldur um aldur. Fólk nær saman óháð því hver fæðingardagur þess er og lætur ekki á sig fá þótt annað fólk slúðri um aldursmuninn. Hér eru nokkur pör sem sanna að aldur er bara tala á blaði og stjórnar ekki málefnum hjartans.
Það kom mörgum í opna skjöldu þegar einn eftirsóttasti piparsveinn heims, leikarinn George Clooney, tilkynnti trúlofun sína og mannréttindalögfræðingsins Amal, sem þá var Alamuddin, árið 2014. Hann var þá 52 ára en hún 35 ára. Þau gengu í það heilaga stuttu síðar, um ári eftir að þau kynntust, og eignuðust tvíburana Ellu og Alexander í júní árið 2017.
Sjónvarpsstjörnurnar tvær byrjuðu að slá sér upp árið 2004 og fóru að búa saman ári síðar. Þær giftu sig síðan árið 2008 og hafa verið saman allar götur síðan, en Ellen er fimmtán árum eldri en Portia.
Leikarinn Jason Statham, 52 ára, og Rosie, 32 ára, byrjuðu saman árið 2010 og trúlofuðu sig í janúar árið 2016. Stuttu síðar tilkynntu þau að þau ættu von á sínu fyrsta barni og fæddist þeim sonurinn Jack Oscar Statham í júní árið 2017.
Þótt 25 ár aðskilji leikkonuna og leikarann þá vill svo heppilega til að þau eiga sama afmælisdag – þann 25. september. Parið kynntist á kvikmyndahátíð árið 1996. Þremur árum síðar fór Michael á skeljarnar, aðeins mánuði eftir að skötuhjúin staðfestu að Catherine væri ólétt. Leikkonan fæddi soninn Dylan í ágúst árið 1999 og leikarahjónin gengu upp að altarinu í nóvember árið 2000. Þau skildu að borði og sæng um skeið árið 2013 en fundu fljótt aftur ástarneistann sem sameinaði þau í upphafi.
Sögusagnir um að leikkonan Sarah Paulson, þá 41 árs, væri að slá sér upp með goðsögninni Holland Taylor, þá 72 ára, kvisuðust árið 2015. Sarah staðfesti þennan orðróm í viðtali við New York Times árið 2016. Þær eru enn saman þrátt fyrir alls konar ljótt umtal um aldursmuninn. Sönn ást á ferð.
Leikarinn og leikkonan hittust fyrst á Golden Globe-verðlaunahátíðinni árið 2002. Þá var Harrison sextugur og Calista 38 ára. Ástin kviknaði og þau slógu sér upp í sjö og hálft ár áður en Harrison bað Calistu árið 2009. Þau giftu sig síðar sama ár og hafa ættleitt einn son saman, þessir kæru Íslandsvinir.
Skötuhjúin kynntust í febrúar árið 2011 og færðist fljótt mikil alvara í sambandið. Á fyrstu fimm mánuðum sambandsins fluttu byrjuðu þau að búa saman, byrjuðu að íhuga brúðkaup og barneignir og giftu sig loks. Þau eiga fjögur börn saman, en Hilaria hefur talað mjög opinskátt um fósturmissi á samfélagsmiðlum.
Turtildúfurnar hittust fyrst árið 2006 þegar Katharine tók þátt í seríu fimm af American Idol. Rúmum áratug síðar fóru sögur á kreik um að þau væru búin að fella hugi saman, sú reyndist svo raunin. Þau trúlofuðu sig síðan árið 2018. David er sjötugur og Katharine er 35 ára.
Emma og Bruce giftu sig árið 2009 og eiga tvær dætur saman.
Tónlistarmaðurinn Billy Joel kvæntist í fjórða sinn árið 2015 og var Alexis sú heppna. Hjónin eignuðust dótturina Dellu Rose árið 2015 og dótturina Remy Anne tveimur árum síðar.
Goðsögnin Rod Stewart kvæntist fyrirsætunni Penny Lancaster árið 2007. Penny er þriðja eiginkona Rods, sem er 74 ára. Penny er hins vegar 48 ára. Penny og Rod eiga tvo syni saman, Alastair og Aiden. Rod á sex önnur börn úr fyrri hjónaböndum.
Sjónvarpsstjarnan Stephen er rúmlega sextugur en ljósmyndarinn Elliot er 32 ára. Skötuhjúin kynntust árið 2014 og smullu saman. Ári síðar giftu þeir sig.
