Jenna Jameson, ketó-drottning og fyrrverandi klámstjarna, hefur verið án áfengis og fíkniefna í fjögur ár. Hún opnar sig um edrúvegferð sína í nýju myndbandi á YouTube. Hún byrjaði nýlega með YouTube-rás en hún hefur notið mikilla vinsælda á Instagram síðustu misseri.
Hún deilir reglulega upplifun sinni af ketó mataræðinu og myndum af sér fyrir-og-eftir að hún fór á ketó. Hún hefur misst tæplega 40 kíló eftir að hún stökk á ketó lestina. En í þetta skipti er hún að tala um edrúmennsku.
Jenna var háð ópíum-lyfinu OxyContin. „Ég veit að þetta er vandamál sem hefur áhrif á öll Bandaríkin,“ segir Jenna.
„Það að ég gati farið frá því að sjúga átta oxykontin töflur upp í nefið á einum degi yfir í að falla ekki. Ég er ótrúlega stolt af þessu.“
Hún segir frá því hvernig hún varð edrú.
„Ég vissi að ég væri að fara að deyja. Ég var að nota meira, og meira, og meira, og ég missti allt. Ég missti fjölskyldu mína, vini mína, ég svaf á sófa hjá ókunnugum. Þetta var slæmt. Þegar ég segi að þetta hafi verið slæmt þá meina ég það. Þetta var slæmt. Ég vissi að ég myndi deyja og ég þyrfti að verða edrú,“ segir Jenna.
„Fyrir sjö árum síðan hefði mér aldrei dottið í hug að lífið mitt gæti verið svona fallegt.“
Hlustaðu á sögu hennar hér að neðan.