Ráðalaus móðir leitar til Deidre, kynlífs- og sambandsráðgjafa The Sun.

„Kæra Deidre. Ég gómaði eiginmann minn góna á brjóst dóttur okkar. Eðlishvöt mín segir að þetta sé rangt en er ég að bregðast of hart við? Ég held að stelpurnar hafa ekki tekið eftir þessu. Þær eru 17 og 20 ára.

Ég er óróleg, þó ég trúi því ekki að hann hafi einhvern tíma snert þær á óviðeigandi hátt. Ef ég segi eitthvað þá sakar hann mig um að kalla hann perra.

Móðir hans var opin með nekt heima fyrir og leyfði honum að horfa á sig í baði. Ég giska að hann haldi að það sé í lagi að góna á konur.

Við höfum sofið í sitthvorum svefnherbergjum í mörg ár. Ég vil ekki stunda kynlíf með einhverjum sem finnst dætur mínar kynferðislega aðlaðandi. Ég er 48 ára og hann er 52 ára. Eru allir karlmenn svona?“

Deidre svarar:

„Nei. Þetta er rangt. Uppeldið hans útskýrir kannski ýmislegt en það afsakar ekki hegðun hans. Viðbrögð hans gefa einnig í skyn að hann viti að þetta sé rangt sjálfur.

Minntu dætur þínar á það að það er þeirra val hver snertir þær og kemur nálægt þeim. Segðu þeim að þú ert alltaf tilbúin að hlusta ef þær hafa einhverjar áhyggjur.

Segðu eiginmanni þínum að þið þurfið að ræða um hjónabandið og fjölskyldumál.“

Hvað segja lesendur, ætti konan að hafa áhyggjur?