Craig er vaxtarræktarmaður. Hann er um 158 kíló og 190 cm. Hann hefur ekki alltaf verið svona stór, hann byrjaði ekki að fara í ræktina og lyfta lóðum fyrr en hann var tvítugur. Craig var að eigin sögn „eins og tannstöngull“ í framhaldsskóla, hávaxinn og mjög grannur. Hann segir Barcroft TV sögu sína.
Hann fór frá því að vera 68 kíló yfir í að vera 158 kíló. Þessi 90 kíló sem hann bætti á sig voru vöðvar, risastórir vöðvar. Hann lýsir sjálfum breytingunni sem „dramatískri“ og viðurkennir að hann sé háður því að „stækka.“ Hann er í vaxtarrækt og þjálfar einnig aðra.
„Það neikvæða við að vera 158 kíló af vöðvum er eins og að reima skóna, fara í sturtu, fara á efri hæð, þessir litlu hlutir en þetta safnast saman. Ég ætla mér ekki að vera svona stór að eilífu, en ég veit að það mun koma tími þegar ég vill slaka á,“ segir Craig.
„Þegar þú ert orðinn um 160 kíló þá vill líkami þinn ekki vera svona stór. Hann berst við þig á hverju stigi til að verða minni.“
Craig borðar fjórar til fimm máltíðir á hverjum degi og fær sér stundum þeytinga inn á milli. „Ef ég myndi borða minni skammta þá myndi ég örugglega grennast, örugglega verða kynþokkafyllri,“ segir hann.
Craig segist ekki vera á móti sterum, það fari eftir hverskonar sterar það séu og hvernig þeir eru notaðir. „En það þarf að byggja grunn áður en þú byrjar að nota stera […] fá þennan náttúrulega vöðvamassa fyrst og síðan fara á næsta stig,“ segir hann.
Horfðu á viðtalið við hann hér að neðan.