fbpx
Sunnudagur 13.október 2019  |
Bleikt

Svona getur þú vanið þig á að vakna snemma á morgnana

Lady.is
Þriðjudaginn 8. október 2019 17:00

Ása mælir með því að gera æfingarföt og morgunmat tilbúinn kvöldið áður.

Ekki missa af Helstu tíðindum dagsins í pósthólfið þitt

Lesa nánar

Ása Hulda er 26 ára viðskiptafræðingur, módel fitnesskeppandi, CrossFittari og eiginkona. Hún hefur brennandi áhuga á öllu sem tengist hreyfingu og heilbrigðum lífsstíl. Hún heldur úti vinsælli Instagram-síðu og bloggar á Lady.is. Í nýjustu bloggfærslu sinni gefur hún lesendum skotheld ráð til að vakna snemma á morgnanna fyrir æfingar. 

Við gefum Ásu Huldu orðið:

Ég hef oft fengið spurningar um hvernig í ósköpunum ég fari að því að vakna klukkan 5:20 á morgnanna og fara á æfingar. Persónulega finnst mér best að nýta tímann sem best á daginn svo ég nái að sinna öllu sem ég þarf að sinna.

Þar sem ég er í fullu starfi, fullu námi og vil ekki setja æfingar á hakann þá eru morgnarnir eini tíminn sem ég hef til að æfa. Ef ég á að velja á milli þess að sofa lengur og æfa ekkert á daginn eða vakna aðeins fyrr á morgnanna og ná að æfa þá verður seinni kosturinn klárlega alltaf fyrir valinu!

Það eru til ýmis góð ráð sem hjálpa þér að standa við það að mæta á morgunæfingar

  1. Farðu snemma að sofa: reyndu að fara að sofa á sama tíma á kvöldin því þá er þetta miklu auðveldara. Ég miða við að fara ekki að sofa seinna en kl 22 á kvöldin ef ég er að fara að vakna 5:30 fyrir morgunæfingu (sem er alla virka daga).
  2. Ekki ýta á snooze: sama hversu þreyttur þú ert, aldrei ýta á snooze! Drífðu þig fram úr um leið og klukkan hringir. Ein helstu mistökin er að ýta á snooze því það er alltaf erfiðara að vakna eftir það.
  3. Kaldur þvottapoki: mér finnst mjög gott að þvo mér í framan með köldum þvottapoka til að hressa mig aðeins upp áður en ég fer á æfingu
  4. Vertu búinn að taka til íþróttafötin: það sparar mikinn tíma að vera búinn að taka til öll íþróttaföt sem þú ætlar að nota um morguninn, þá þarft þú ekki að vera að leita að íþróttabolnum eða buxunum um morguninn þegar þú vaknar
  5. Vertu með morgunmatinn tilbúinn: ég borða alltaf eftir morgunæfinguna og er alltaf búin að útbúa overnight graut sem ég geymi í ísskápnum yfir nóttina. Þá er rosalega fljótlegt fyrir mig að grípa í morgunmatinn þegar ég er búin á æfingu. Ef þú vilt borða fyrir æfingu þá er einnig gott að vera búinn að taka til það sem þú ætlar að borða.
  6. Blandaðu pre workout drykkinn kvöldinu áður: ef þú hefur virkilega lítinn tíma á morgnanna og vilt nýta allar auka mínútur í að sofa þá er hægt að vera búinn að blanda pre workout drykkinn og geyma hann inni í ísskáp yfir nóttina
  7. Vertu með föt dagsins tilbúin: það getur verið gott að vera búinn að taka til þau föt sem þú ætlar að vera í í vinnunni eða skólanum deginum áður
  8. Vertu með nestið tilbúið: ef þú ætlar að taka nesti með í vinnuna/skólann þá er gott að vera búinn að græja það deginum áður

Hér getur þú fylgst með Ásu Huldu á Instagram og skrifum hennar á Lady.is.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 3 dögum

Hanna berst við krabbamein og vill að líknardauði verði leyfður – „Ég á að geta ákveðið hvenær ég vil deyja“

Hanna berst við krabbamein og vill að líknardauði verði leyfður – „Ég á að geta ákveðið hvenær ég vil deyja“
Bleikt
Fyrir 3 dögum

Katrín hefur misst 70 kíló: „Ég horfi bara á Netflix og passa mataræðið“ – Nefnir lykilráð sem svínvirkar

Katrín hefur misst 70 kíló: „Ég horfi bara á Netflix og passa mataræðið“ – Nefnir lykilráð sem svínvirkar

Tarot Spil

Veldu þér spil og sjáðu spádóm þinn.