fbpx
Sunnudagur 13.október 2019  |
Bleikt

Lesið í tarot Sólveigar: „Hún verður fyrir árásum úr öllum áttum og því gæti einmanaleiki, jafnvel ístöðuleysi, hrjáð hana“

Ritstjórn Bleikt
Sunnudaginn 6. október 2019 13:22

Ekki missa af Helstu tíðindum dagsins í pósthólfið þitt

Lesa nánar

Miklar deilur hafa geisað í kringum Eflingu undanfarnar vikur og mánuði og er formaðurinn Sólveig Anna Jónsdóttir þar í forgrunni. DV ákvað því að lesa í tarotspil Sólveigar og athuga hvað framtíðin ber í skauti sér, en lesendur DV eru minntir á að þeir geta dregið tarotspil á hverjum degi, jafnvel oft á dag, á dv.is.

Ekki lofa of miklu

Fyrsta spilið sem kemur upp hjá Sólveigu er 10 stafir. Það táknar þann mikla eril sem einkennir líf hennar nú, en erill er væntanlega vægt til orða tekið. Sólveig kom inn í Eflingu með mikið af væntingum og loforðum í farteskinu, en er nú að átta sig á að hún hefur hugsanlega tekið meira að sér en hún ræður við. Þegar maður færist of mikið í fang þá leiðir það óhjákvæmilega til þess að maður leysir verkefni ekki vel úr hendi, sama hve mikið maður leggur sig fram. Það er Sólveig að upplifa núna. Hún ætti því að læra listina að deila út verkefnum og ekki hafa allar heimsins byrðar á herðum sér. Sólveig þarf að sýna undirmönnum sínum traust og leyfa þeim að spreyta sig. Í framtíðinni þarf hún síðan að hugsa sig tvisvar um áður en hún lofar upp í ermina á sér.

Svartsýni villir sýn

Næst er það Tunglið. Það táknar tilfinningalíf Sólveigar en það einkennist um þessar mundir af óreiðu. Hún verður fyrir árásum úr öllum áttum og því gæti einmanaleiki, jafnvel ístöðuleysi, hrjáð hana. Það er hins vegar fjarri sanni að Sólveig ráði ekki við það erfiði sem steðjar að henni. Hún er er sterkur einstaklingur og má alveg staldra stutt við í vonleysi og depurð áður en hún rís aftur á fætur og tekst á við framhaldið. Hennar helsti galli er sá að hún sér ekki raunveruleikann eins og hann er heldur lætur svartsýni villa sér sýn. Hún þarf að horfa betur í kringum sig og treysta á innsæið sem hefur komið henni svo langt í gegnum tíðina. Framtíðin er nefnilega björt og nú er tíminn til að ná samkomulagi svo leiðindin séu á bak og burt.

Ósætti á vinnustað

Loks eru það 2 sverð. Það táknar Sólveigu og náinn samstarfsfélaga hennar. Samstarfið hefur að mestu leyti gengið vel en eitthvað smávægilegt virðist hafa komið upp á nýverið. Sólveig þarf að taka á honum stóra sínum til að koma á jafnvægi og þægilegu andrúmslofti. Ójafnvægið tengist nefnilega því að Sólveigu hefur ekki liðið mjög vel upp á síðkastið og hún hefur ekki náð að hlúa nógu vel að sinni andlegu líðan. Ef Sólveig hundsar þetta rafmagnaða andrúmsloft gæti þetta ósætti stigmagnast og valdið báðum aðilum mikilli vanlíðan á komandi vikum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 3 dögum

Hanna berst við krabbamein og vill að líknardauði verði leyfður – „Ég á að geta ákveðið hvenær ég vil deyja“

Hanna berst við krabbamein og vill að líknardauði verði leyfður – „Ég á að geta ákveðið hvenær ég vil deyja“
Bleikt
Fyrir 3 dögum

Katrín hefur misst 70 kíló: „Ég horfi bara á Netflix og passa mataræðið“ – Nefnir lykilráð sem svínvirkar

Katrín hefur misst 70 kíló: „Ég horfi bara á Netflix og passa mataræðið“ – Nefnir lykilráð sem svínvirkar
Bleikt
Fyrir 6 dögum

Erna stofnaði alþjóðlega síðu fyrir jákvæða líkamsímynd – Fær fjölbreytta viðmælendur: „Að alast upp með dvergvöxt var mjög erfitt“

Erna stofnaði alþjóðlega síðu fyrir jákvæða líkamsímynd – Fær fjölbreytta viðmælendur: „Að alast upp með dvergvöxt var mjög erfitt“
Bleikt
Fyrir 6 dögum

Þórdís Elva segir íslensk lög hvetja ofbeldismenn til að níðast á eigin börnum frekar en fullorðnum

Þórdís Elva segir íslensk lög hvetja ofbeldismenn til að níðast á eigin börnum frekar en fullorðnum

Tarot Spil

Veldu þér spil og sjáðu spádóm þinn.