Einkaþjálfarinn og fitnessdrottningin Margrét Gnarr segir frá því hvernig henni tókst að byrja aftur á blæðingum eftir að hafa ekki fengið tíðarhvörf í rúmlega tvö ár. Hún hætti að fara á blæðingar vegna þess að hún var að borða of lítið, æfa of mikið og vegna of mikillar streitu. Hún opnar sig um þetta í nýjasta YouTube myndbandi sínu.
Fyrir stuttu síðan byrjaði Margrét með YouTube-rás og hefur meðal annars sýnt hvernig hún æfir rassvöðvana og hvað hún borðar á venjulegum degi.
Margrét hætti að fá blæðingar í rúmlega tvö ár þegar hún var að æfa stíft fyrir bikiní fitness. Á sama tíma var hún að glíma við átröskun. Vorið 2018 ákvað hún að hætta að keppa í fitness og einbeita sér að bata. Fjórum mánuðum seinna byrjaði hún aftur á blæðingum.
Í mars á þessu ári opnaði Margrét sig í einlægu viðtali við DV og sagði hvernig átröskun hafði litað líf hennar frá fjórtán ára aldri.
Sjá einnig: Margrét Gnarr var komin með hjartsláttatruflanir vegna átröskunar: „Ég var orðin hrædd um líf mitt“
Margrét hefur verið í góðum bata í rúmlega ár og er nú ólétt af sínu fyrsta barni.
Horfðu á myndbandið hér að neðan.
https://www.youtube.com/watch?v=vsads9bkaGY&feature=youtu.be
