Tónlistarmaðurinn Kristinn Óli Haraldsson, sem er betur þekktur sem Króli, er kominn á fast með Ragnhildi Birtu Ásmundsdóttur, nema í samtímadansi í Listaháskóla Íslands. DV fannst því tilvalið að athuga hvernig þau eiga saman ef rýnt er í stjörnumerkin.
Ragnhildur er bogmaður og Króli er sporðdreki. Ef þessi tvö merki vilja að sambandið verði farsælt og langlíft þá verða þau að fara sér hægt, gefa sér tíma í að kynnast hvort öðru undir yfirborðinu. Ef þessi tími er ekki tekinn þá gætu þau hæglega farið fram úr sér og þá flosnar fljótt upp úr sambandinu. Þessi þolinmæði á fyrstu vikum sambandsins mun borga sig.
Bogmaðurinn þrífst á breytingum og er einstaklega jákvæður. Því gæti bogmanninum liðið óþægilega í byrjun ástarsambands ef sporðdrekinn er of ágengur og athyglisfrekur. Sporðdrekinn þarf því aðeins að tóna tilfinningar sínar niður þannig að hann geti náð einhvers konar millivegi með bogmanninum.
Bæði þessi merki eru ævintýragjörn og eru til í að kanna nýjar lendur, læra og þroskast. Það er í raun það sem gerir þau náin – þessi endalausa uppspretta nýrrar upplifunar sem þau deila. Þetta er samband sem er alltaf mjög lifandi og mikið í gangi í kringum þessi tvö merki. Bogmaðurinn gæti hins vegar átt erfitt með þrjósku sporðdrekans og sporðdrekanum finnst bogmaðurinn stundum of mikil kappsmanneskja. En eins og áður segir, þá gildir gullni meðalvegurinn í þessu sambandi sem bæði merki verða að reyna að finna.
Ragnhildur Birta Ásmundsdóttir
Fædd: 9. desember 1999
Bogmaður
-örlát
-góð kímnigáfa
-heiðvirð
-opinská
-lofar upp í ermina á sér
-óþolinmóð
Kristinn Óli Haraldsson
Fæddur: 2. nóvember 1999
Sporðdreki
-ráðagóður
-hugrakkur
-ástríðufullur
-þrjóskur
-á erfitt með að treysta
-dulur
