Kristín Rós og vinkonur hennar fóru saman á Aldamótatónleikana í Háskólabíó síðastliðna helgi. Þær lentu í heldur leiðinlegu atviki á tónleikunum þegar aðrir tónleikagestir hreinlega skemmdu upplifunina fyrir þeim. Kristín Rut segir frá þessu í viðtali við Hringbraut.

Ein vinkona Kristínar er á hækjum eftir slys. Þær ákváðu að kaupa dýrari miða svo að þær gætu setið og slasaða vinkonan þyrfti ekki að standa á hækjunum, sem reynist henni erfitt til langtíma.

„Eftir nokkur lög fara tvær stelpur fyrir framan okkur að dilla sér sem er náttúrulega kannski ekkert athugavert nema það að þetta eru sitjandi tónleikar og þær voru alveg upp við okkur og fyrir okkur,“ segir Kristín Rut við Hringbraut.

„Þær stóðu ofan á veskjunum okkar og hækjum [slösuðu vinkonu minnar]. Þegar við reyndum að færa dótið okkar rífur ein stelpan í hækjuna og reynir að taka hana af vinkonu minni,“ segir hún.

Kristín Rut lýsir því hvernig það hafi átt sér stað einskonar valdabaráttu um pláss þarna sem hafi endað með að „þær fóru að öskra á okkur að við værum tussur og fleira.“

Eftir tónleikana reyndi vinkona Kristínar að tala við stelpurnar.  „[Hún reyndi] að útskýra fyrir þeim að við hefðum borgað fyrir þennan stað vegna þess að vinkona okkar væru á hækjum og að þetta hafi verið afar leiðinlegt. Þær hefðu skemmt tónleikana fyrir okkur. Þá sögðu þær við okkur að við kynnum ekki mannleg samskipti. Við gátum ekkert gert svo við fórum bara,“ segir hún.

Kristín Rut hefur fengið afsökunarbeiðni frá einni stúlku sem átti hlut í málinu eftir að hafa vakið athygli á málinu á Facebook.