Inside Edition ræddi við flugfreyjuna Jamilu Hardwick sem vinnur hjá kvikmyndastúdíóinu Air Hollywood. Hún deilir nokkrum leyndarmálum sem flugfélögin vilja ekki segja þér.
Eitt af því er að hún mælir ekki með því að farþegar panti sér kaffi eða aðra heita drykki. Hún segir að hún og samstarfsfélagar hennar panti sér aldrei heita drykki þegar þau fljúga.
„Málið með kaffi og te er að leiðslurnar eru mjög sjaldan þrifnar,“ segir Jamila. En vatn úr vatnsleiðslum flugvélarinnar er notað fyrir heita drykki.
Samkvæmt Inside Edition þurfa flugfélög aðeins að sótthreinsa leiðslurnar fjórum sinnum á ári.
Annað sem Jamila nefnir er að farþegar ættu ekki að biðja flugfreyjur um að hjálpa sér að ganga frá handfarangrinum sínum, því að hennar sögn fá flugfreyjur ekki greitt fyrr en flugvélin leggur af stað og eru þær því ekki tryggðar ef þær meiða sig við að ganga frá farangrinum.
Hún fer einnig yfir óhreinlæti um borð í flugvélum og hvetur fólk til að sótthreinsa borðið fyrir framan sig þegar það kemur í flugvél.
Horfðu á myndbandið hér að neðan.