Það eru komin 25 ár síðan vinsælu þættirnir Friends fóru fyrst í loftið. Í tilefni afmælisins hefur verslunarkeðjan Primark gefið út Friends vörulínu. Það er til dæmis hægt að fá Rachel og Monicu náttföt og stuttermabol með áletruninni: „Ég myndi frekar vilja horfa á Friends.“
En einn ósáttur kaupandi stuttermabolsins tók eftir frekar vandræðalegri stafsetningavillu á bolnum, sem er þó erfitt að sjá.
Getur þú komið auga á villuna?
Dan Molloy, frá Manchester, keypti bolinn og birti mynd af honum á Twitter. Hann tók ekki eftir villunni á bolnum fyrr en eftir að hann var búinn að nota hann.
Ef þú átt erfitt með að sjá villuna þá vantar „I“ í „watching“, það stendur „watchng“.
Dan spyr Primark keðjuna hvernig gat verið að enginn, meðal annars hann, hafi ekki tekið eftir villunni.
Hann fékk þó svar frá Primark og fær að skila bolnum og fá endurgreitt.