Tónlistarmaðurinn Mark Ronson segist skilgreina sig sjálfan sem „sapiosexual“ eða sapio-kynhneigðan, sem er manneskja sem heillast að greind einstaklings frekar en útliti.

Fyrr á þessu ári fékk Mark Ronson Óskarsverðlaun fyrir að skrifa lagið Shallow með Lady Gaga.

Í gær var hann í viðtali í Good Morning Britain til að ræða sína fimmtu plötu, Late Night Feelings.

Fyrr í þættinum var fjallað um sapio-kynhneigð og tók einn þáttastjórnandinn, Kate Garraway, eftir áhuga Mark á efninu. Hún spurði hann út í það í lok viðtalsins.

„Nú þegar við vitum að þú sért einhleypur – þú varst mjög inn í umræðu okkar um sapio-kynhneigð í morgun – og þú skilgreinir þig sem mann sem ert hrifinn af gáfum,“ sagði Kate.

„Já ég gerði það. Ég vissi ekki að það væri orð fyrir það, en já, ég hafði mjög gaman af umræðunni,“ sagði Mark.

„Við vorum öll að rökræða í búningsherbergjunum við nokkra framleiðendur ykkar. Já, mér finnst eins og ég skilgreini mig sem sapio-kynhneigðan.

Sapio-kynhneigð er notað fyrir einstakling sem laðast kynferðislega að mjög gáfuðum einstaklingum.

„Þetta hugtak er að birtast oftar og oftar í persónuauglýsingum, ráðgjafar dálkum og jafnvel á stuttermabolum,“ segir Merriam-Webster.

Félagsfræðingurinn Dr Catherine Hakim heldur því fram að útlit manneskju sé alltaf fyrsti þátturinn þegar kemur að kynferðislegri aðlöðun.

„Þegar þú hittir einhvern í fyrsta skipti, á innan við 30 sekúndum þá tekurðu inn aldur, kyn og þjóðerni þeirra og hversu aðlaðandi manneskjan er,“ segir hún.

„Það er ekki það að gáfur skipta engu máli, en við bregðumst öll eins við konum og körlum, ungum og gömlum, eftir því hversu aðlaðandi þau eru.“

Blaðamaðurinn Nichi Hodgson, sem skilgreinir sig sem sapio-hneigða, útskýrði hennar skilning á hugtakinu í Good Morning Britain.

„Skilgreining sapio-kynhneigðar þýðir ekki að það sé engin líkamleg aðlöðun, það þýðir að greind kemur fyrst. Þannig skilgreini ég mig sjálfa.“

Horfðu á umræðurnar um sapio-kynhneigð hér að neðan.