Crossfit-stjarnan Katrín Tanja Davíðsdóttir frumsýndi nýjan kærasta fyrir stuttu. Sá heppni heitir Streat Hoerner og er einnig mikill afreksmaður í crossfit. DV ákvað að athuga hvernig þessi tvö eiga saman og hvort ástarblossinn muni lifa um aldur og ævi.
Streat er vatnsberi en Katrín Tanja er naut. Þessi tvö merki eiga ágætlega saman. Nautið er jarðbundnara og hagsýnna á meðan vatnsbrinn er hugsjónamaður og sveimhugi. Þau kjósa hins vegar bæði að hafa stöðugleika og jafnvægi í sambandinu, sem er afar mikilvægt.
Vatnsberinn og nautið hafa margt til að miðla til hvors annars. Nautið getur haldið í taumana hjá fiskinum og fundið leiðir til að láta alla drauma hans rætast. Vatnsberinn hefur allt sem nautið leitar að í elskhuga – hann er blíður og ljúfur. Streat og Katrín Tanja geta myndað með sér sterka og djúpa andlega tengingu sem er ekki aðeins falleg heldur gerir sambandið gríðarlega traust.
Nautið getur hins vegar orðið þreytt á tilfinningalegum óstöðugleika vatnsberans og vatnsberinn getur upplifað nautið sem ónærgætið. Ef litið er á björtu hliðarnar er hins vegar leikur einn fyrir þessi tvö merki að yfirstíga öll vandræði, svo lengi sem þau tala saman um hlutina.
Katrín Tanja
Fædd: 7. maí
Naut
-áreiðanleg
-þolinmóð
-ábyrg
-þrjósk
-yfirgangsöm
-ósveigjanleg
Streat
Fæddur: 7. febrúar
Vatnsberi
-sjálfstæður
-mannvinur
-frumlegur
-framsækinn
-sveimhugi
-skapstór