Ofurfyrirsætan Heidi Klum er um þessar mundir í brúðkaupsferð með eiginmanni sínum Tom Kaulitz.
https://www.instagram.com/p/B0yJPNWp3Yf/
Tom, 29 ára, er gítarleikari í þýsku hljómsveitinni Tokio Hotel.
Heidi Klum, 46 ára, deildi mynd af sér úr fríinu og á myndinni er hún berbrjósta með handklæði sem rétt svo hylur (en samt eiginlega ekki) geirvörtur hennar.
„Eina sem ég sé er VATN,“ skrifaði hún með myndinni.
https://www.instagram.com/p/B1TSRhupTBa/
Myndin hefur vakið mikla athygli og hafa fjölmargir bent á hvað Heidi virðist hamingjusöm á myndinni og óskað henni alls hins besta.
En ekki voru allir á sama máli og var Heidi einnig harðlega gagnrýnd fyrir birtingu myndarinnar og sögð vera haldin miðlífskrísu (e. midlife crisis).
„Eina sem ég sé er MIÐLÍFSKRÍSA,“ skrifaði einn netverji við myndina og hafa yfir 1453 manns líkað við þau ummæli.
„Haltu þessum myndum fyrir þig sjálfa,“ skrifaði annar netverji.
Sem betur fer voru aðdáendur fyrirsætunnar fljótir að koma henni til varnar.
„Ekki vera abbó bara því þú ert ekki svona hugrökk elskan,“ skrifaði einn.
„Hversu heimskulegt og tilgangslaust að segja þetta,“ skrifaði annar.
Gagnrýnin virtist ekki hafa haft áhrif á Heidi og hefur hún deilt fleiri myndum úr fríinu, meðal annars af sér í bikiní drekka kaffi.