Aðdáendur eru sannfærðir um að stjörnuparið Cara Delevingne og Ashley Benson séu trúlofaðar.
Ástæðan fyrir því er að nýlega sást til þeirra skarta alveg eins hring á baugfingri vinstri handar.
Fyrstu sögusagnir um samband þeirra fóru á kreik í maí 2018, en þær hafa haldið sambandi sínu prívat frá umheiminum
Af og til hefur sést til þeirra saman, þær deila stundum myndum af sér saman eða af hvor annarri, en aldrei hafa þær formlega staðfest samband sitt.
Þar til í júní 2019. Cara deildi myndbandi af þeim kyssast og skrifaði með #PRIDE.
Aðspurð af hverju hún ákvað að opinbera samband þeirra svaraði Cara: „Ég veit það ekki, vegna þess að það er Pride. Það eru 50 ár síðan Stonewall [Riot] gerðist og ég veit ekki. Við erum nýlega búnar að eiga eins árs sambandsafmæli, þannig af hverju ekk?“
Nú eru aðdáendur parsins gjörsamlega að missa sig því það lítur út fyrir að þær séu trúlofaðar.
Síðustu helgi voru Ashley og Cara í fríi í Saint- Tropez. Það sem vakti athygli var baugfingur þeirra beggja, en á þeim voru gullhringir sem líta út eins og klassískir trúlofunarhringir.
Parið hefur ekki staðfest orðróminn. Við bíðum spennt! Hér eru nokkrar myndir af parinu saman síðasta árið.