Hilary Duff var harðlega gangrýnd á samfélagsmiðlum eftir að hún deildi mynd af átta mánaða gamalli dóttur sinni, Banks.
Á myndinni sést í eyrun á Banks, en það sem vakti athygli og reiði hjá mörgum var að hún er með göt í eyrunum.
https://www.instagram.com/p/BzWntptAedo/?utm_source=ig_embed
Fljótlega eftir að hún deildi myndinni byrjuðu netverjar að kommenta á myndina og gagnrýna hana.
„Ég trúi ekki að einhver orsaki óþarfa sársauka sem er ekki vegna læknisfræðilegra ástæðna og gert af heilbrigðisstarfsmanni, þetta er barnaníð í mínum huga,“ skrifaði einn netverji.
Annar sagði að Hilary ætti skilið „unfollow“ eftir að hafa deilt myndinni. Notendur skiptast í tvær fylkingar í kommentunum, sumir segja að þetta sé barnaníð og aðrir koma Hilary til varnar.
Leikkonan ákvað að svara gagnrýninni í Instagram Story.
Hilary deildi mynd af Banks og skrifaði: „Hún er með nóg hár fyrir tagl!“ Og bætti við: „Ó og já, við götuðum á henni eyrun.“
Myndinni hefur verið eytt úr Instagram Story.
Hvað segja lesendur um að gata eyrun á ungbörnum?