Kanadíski leikarinn Keanu Reeves er duglegur að stilla sér upp með aðdáendum fyrir myndatöku. Nú hefur það vakið eftirtekt að Reeves leggur oftast hendur sínar ekki á bak þeirra sem hann stillir sér upp með. Fyrir vikið hefur fengið viðurnefndir „Konungur kurteisinnar“.
Þessi vani Reeves hefur vakið mikla athygli á samfélagsmiðlum og sitt sýnist hverjum um hvað fyrir honum vakir.
„LOL Keanu tekur sko enga sénsa,“ tísti KemziLinzi og birti með fjórar myndir sem sýna Keanu á myndum með konum þar sem hann gætir þess að koma ekki við þær.
Lol Keanu ain’t taking no chances. ?? pic.twitter.com/nnfIOZKbT1
— Kemoy Lindsay (@KemziLinzi) June 9, 2019
Tístið hefur vakið athygli um 350 þúsund Twitter-notenda sem hafa líkað við færsluna. Við færsluna skrifar annar tístari:
„Svona á að gera þetta nema þú vitir fyrir víst að konan kæri sig um að vera snert. Keanu ætti að vera fyrirmynd okkar allra.“
Aðrir voru þó heldur myrkari í máli og töldu að Keanu væri með þessu hátterni aðeins að hafa vaðið fyrir neðan sig svo hann verði ekki sakður um áreitni. Notandinn Nate_A_C segir:
„Hann er að reyna að koma í veg fyrir kæru fyrir kynferðislega áreitni þar sem jafnvel faðmlög teljast í dag til áreitni.“
He's trying not to catch a sexual assault charge since even a hug can get you to that point these days.
— ♠️Nate? (@Nate_A_C) June 9, 2019
Aðrir hafa bent á að það sem Keanu er að gera á þessum myndum sé þekkt fyrirbæri sem kallast „kurteisis -hendur“ eða „svif hendur“ sem þykir mikið virðingartákn í Suður Kóreu. Reeves skilgreinir sjálfan sig sem asískan-ameríkana þar sem hann á ættir að rekja til Kína.