Erfiðleikar hafa ríkt í sambandi leikarans Bradley Cooper og ofurfyrirsætunnar Irinu Shayk um nokkurt skeið, ef marka má frétt á vef Us Weekly.
„Þeim hefur ekki komið vel saman um nokkra hríð,“ segir heimildarmaður blaðsins. „Þau eru ekki hætt saman en þeim gengur ekki vel.“
Bradley og Irina eru búin að vera saman í rúm fjögur ár og eiga dótturina Leu saman, sem er nýorðin tveggja ára. Hins vegar hefur verið mikið slúðrað um meinta erfiðleika í sambandi leikarans og fyrirsætunnar síðan kvikmynd Bradley, A Star is Born, sló í gegn. Hefur því verið haldið fram að hann og aðalleikkona myndarinnar, Lady Gaga, hafi fellt saman hugi en bæði hafa þau staðfastlega neitað því.