Shannon er 20 ára og háð því að drekka bensín. Hún og fjölskylda hennar koma fram í þættinum My Strange Addiction á sjónvarpstöðinni TLC.
„Ég get ekki sleppt því að drekka bensín í einn dag. Ég sárþarfnast þess. Ég vakna á morgnanna og fer á baðherbergið og fæ mér bensín. Ef ég fer út úr húsi set ég bensín í litla plastflösku,“ segir Shannon.
Shannon drekkur einnig bensín áður en hún fer að sofa. Fíknin tók yfir líf hennar fyrir ári síðan. Síðan þá hefur hún farið frá því að sleikja puttana sína eftir að hafa tekið bensín á bílinn sinn í að drekka það á hverjum degi.
„Jafnvel þó það meiði mig þá finnst mér samt gott að drekka bensín,“ segir Shannon.
Móðir Shannon segir að hún trúði því ekki fyrst að Shannon væri að drekka bensín. „En þegar ég fann lyktina af andardrættinum hennar þá vissi ég það,“ segir hún.
Fjölskylda hennar ákvað að það væri kominn tími til að skipta sér af og héldu fjölskyldufund með Shannon. Foreldrar Shannon og systur grátbiðja hana um að hætta að drekka bensín. „Ef bensínið kemst í lungun þín þá deyrðu,“ segir faðir hennar.
Horfðu á myndbandið hér að neðan og sjáðu viðbrögð Shannon.