Horfðir þú á söngvamyndina um Vesalingana frá 2012 og hugsaðir: „Æj þetta er fín saga, en mikið skemma lögin nú fyrir“ ? Þá eru væntanlegir þættir BBC eitthvað fyrir þig.
Frá BBC er væntanleg sjónvarpsþáttaröð í sex hlutum sem byggir á bók Victors Hugos um Vesalingana. Eftir bókinni hafa verið gerður fjöldi kvikmynda og sjónvarpsþátta en þekktastur er þó söngleikurinn sem hefur verið settur upp til dæmis á Broadway og West End. Það var á söngleiknum sem kvikmyndin frá 2012 byggði, svo í rauninni var sú mynd kvikmynd sem byggði á söngleik sem byggði á bók, á meðan þættirnir byggja beint á bókinni. BBC hafa birt stiklu fyrir þættina, sem eru væntanlegir á næsta ári, og á henni sést að hér er mögulega á ferðinni eðal búningadrama.
Af leikurum þáttanna má nefna hinn myndarlega Dominic West, sem er einn aðalleikara í sjónvarpsþáttunum The Affair, og Lily Collins úr myndinni Love, Rosie.
