Fyrrum vonarstjarnan Federico Macheda segist ekki sjá eftir neinu frá tíma hans hjá Manchester United.
Macheda vakti athygli aðeins 17 ára gamall er hann skoraði sigurmark gegn Aston Villa á 93. mínútu á Old Trafford.
Macheda tókst hins vegar aldrei að standast væntingar næstu ár og spilar í dag með Panathinaikos í Grikklandi.
,,Ég sé ekki eftir neinu. Manchester United var falleg reynsla fyrir mig ég á enn frábærar minningar þaðan,“ sagði Macheda.
,,Það eru minningar sem ég tek með mér hvert sem ég fer. Ég þroskaðist ekki bara sem leikmaður heldur manneskja.“
,,Ég mun alltaf halda í þessar minningar þegar ég spilaði fyrir stærsta félag heims.“
